Matius 4 : 19

Yesus berkata kepada mereka : Mari, ikutlah Aku dan kamu akan kujadikan penjala manusia”

Di pardalanan ngolunta di partingkian sinuaeng on tung mansai godang do jolma na mangarahon asa mangihuthon nasida. Adong ma i songon na mangalului karejo gabe dielek ma jolma na asing asa mangoloi ibana. Dipasahat do angka haulion dohot hinatabo molo mangihuthon ibana. Jala diperkembang jaman nuaeng on pe tung godang do angka iklan dohot reklame na mamboan hita asa tertarik mangihuthon i. ido alana adong budaya saonari na gampang manarik jolma asa diihuthon tusi. Hape olo do holan sugesti i manang hipnotis sambing.

Turpuk on pe mangarahon dohot manjouhon jolma i laho mangihuthon Jesus. Di Ulaon na parjolo dipatupa Jesus dung mamolus pangunjunan na dibahen sibolis ima laho mamillit angka siseanNa. Panjoun na diulaon Jesus marasing situtu do tu panjouon na pinatupa portibi on. Panjouon Jesus ndada holan patabo parbinegean dohot pasonang-sonang roha. Alai panjouon ni Jesus ima tu sada tanggungjawab manang ulaon na ringkot sipasahaton jesus tu angka na dijouNa.

Taboto do ulaon parjolo sian angka sisean i ima songon panjala dengke. Hasomalan nasida mangula ditongatonga ni galumbang dohot tao nunga marurat di ngolu nasida. Tung mansai maol do i molo munsat manang marhusor sian angka hasomalan naung diparmudarhon. Boi do masa paralohon na mansai bagas siala ndang dope diboto nasida ulaon naimbaru i.

Panjala jolma ima ulaon laho mamboan angka jolma tu bagasan Harajaon ni Debata. On ma tugas naimbaru na naeng siulaon ni angka sisean i. Tontu ndada na neang i  tung mansai borat do i. Siala jolma nunga adong pilihanna sandiri, nunga adong pikiranna sandiri jala bebas do nasida manontuhon lomo ni roha na. Diboto nasida do hamaolon na naeng siadopan nasida alai dioloi nasida do i (boi tabereng ayat na mangihut). Boasa pintor dioloi nasida panjouon i? Ndang pola tangkas di bibelta boasa pintor dioloi nasida i. Alai na boi berengonta ima na mangolu do sian bagasan roha nasida panjouon ni Jesus i. Boi dohonon niba na mangula do Tondi ni Debata dibagasan roha nasida.

Marhite turpuk on diondolhon do tu hita ringkot ni panjouon ni Jesus di ngolunta. Na parjolo, na dijou do hita sian haholomon tu hatiuron ima lapatan ni huria (eklesia), jala ndada holan tinggal hita disi alai dohot do hita ingkon mangula. Boi do hita gabe parhalado, parhobas manang pelayan. Di hurianta HKBP didok adong dua ragam parhalado ima parhalado partohonan (pandita, guru huria, Bibelvrouw, Diakones, Sintua dohot Evangelis), dohot parhalado na so partohonan ima songon pelayan di sikola minggu, guru koor, pemain music dohot angka na asing.  Nang pe Lansia (lanjut usia) ndada mandok ndang boi hita gabe parhalado manang panjala dengke, justru dihatuonta i do jala di pardalanan ni ngolunta na mar-Tuhan on boi gabe jamita na mangolu tu angka sundut naumposo.

Di godang ni angka ulaon dohot tuntutan ni ngolu di partingkian si nuaeng on ndang be taharingkothon ulaon panjouon ni Tuhan i. Hape  tona ni Jesus na mansai ringkot do i. (boi patudosonta di Matius 28:19 – 20; Markus 16:15; Johannes 16:15 ; Ulaon ni Apostel 1:8). Ndang tarbahenta manulak panjouon ni Tuhan i di sepanjang ni ngolunta siala nunga ampe di hita be tugas i mulai sian tardidi, sidi, dohot tardok songon halak Kristen.

Ra boi do hita mandok : Nunga lansia ahu/hami, jala nunga pensiun, ndang tolap gogonami be gabe sitindangi ni Jesus di portibi on. Ndang huboto manang adong do hita mandok songoni? Jala sai sungkun-sungkun di rohanta be : Aha ma naeng siulaon nami. Parjolo, ingkon rade do hita. Molo nunga taoloi jala rade rohanta ndada umur manundati ulaon ni Tuhan, laos dipake Tondi ni Tuhan Ido hita pasauthon ulaonna. Molo di umur, toho naung matua hita, jala molo di ulaon nunga pensiun hita, alai molo di ulaon ni Tuhan ndada hea pensiun hita. Songon lansia hita boi do hita gabe ula-ula ni Debata di angka poda, pangajarion (marturi-turian) tu angka pinomparnta be taringot tu Hata ni Debata. Jala gumodang do panghorhonan di ngolu angka pinomparnta be sian angka jolma na asing. Alani parjolo ma hita gabe hataridaan panjouon ni Tuhan i di ngolunta siganup ari tarlumobi di tonga-tonga keluargata be. Asa lam marsangap goar ni Tuhanta jala lam torop jolma na porsea tu Debata. Amen

Sungkun-sungkun

1.       Aha do na jotjot mambahen hita sundat na gabe panjala ni jolma?

2.       Angka dia ma na boi sipatupaonta di tingki na dipasahat Debatanta tu hita be?

Jesaya 50 : 4 - 9a

Patujolo

Somal do turpuk on digoari Ende naposo ni Debata/nyanyian hamba Tuhan (ebed Jahweh), alai dijou ma dibagasan turpuk on naposo ima sisean ni Debata.   Ise do na didok dison naposo ni Debata manang sisean i?  Angka penafsir mandok adong do 4 (halak) na dijou naposo ni Debata di bagasan turpuk Jesaya on (pat.di Jesaya 42:1-6; 49:1-6; 52:13 – 52:12) adong ma i didok dison : si-Jesaya sandiri, na asing mandok sahalak naposo ni Debata na so diboto goarna, adong muse na asing mandok ndada sahalak  jolma alai punguan na sai tongtong satia di Debata, jala parpudi martudu-tudu do turpuk on tu Jesus sandiri, dipahombar ma i tu pangalaho na masa di ngolu ni Jesus sandiri di tingki diportibion.

Boasa didok turpuk on ende naposo ni Debata? Tontu ingkon berengonta do angka na masa diujui. Dibagasan parhatobanon do bangso i, tung mansai bernit do na niae bangso i jala laos dihilala nasida ndang adong be na manarihon (na peduli) di ngolu nasida, tarlumobi Debata sandiri pe nunga mandao sian nasida. Ido alana sai tubu sungkun-sungkun di roha nasida : ise nama na mangurupi nasida, jala sadia leleng nari nasida manaon saluhutna i. Alani ro do soara sian Debata tu naposo ni Debata mangalehon apul-apul dohot pagomoshon roha nasida, sai dilehon Debata do hadirionNa marhite angka naposoNa i. Jala digombarhon ma marhite turpuk on pangalaho na masa tu angka naposo ni Debata dohot pambahenan ni Debata maradophon nasida.

Dibagasan turpuk on dipajojor do angka dia ma kelengkapan dohot turgas siulaon naposo ni Debata manang sisean.

Hatorangan ni turpuk

1.      Dila sisean

Dila ima sumber panghataion. Sian dila ido boi  haluar pasupasu jala laos sian dila na sarupa ido haluar angka torutoru (kutukan). Alani tung mansai jamot do laho mamake ‘dila’ di ngolu on. Didok angka na pistar : dila i tumajom do sian pisau, Ai marhite ‘dila’ na sai patubu-tubu hata manang mangalap dohot manaruhon hata ; boi do marpanghorhon angka hansit ni roha (maneat ate-ate). Ido umbahen di hita halak Batak tu tangkas do didok :”bibir lingga, bibir partali-tali, halak siginjang dila, unang pinatangitangi”. Par-Psalmen pe mandok taringot tu ‘dila’ on ima : hamagoan do ditahitahi dilam, ho ale siulahon sipaototo, sobokhon raut parnabung” (Psalmen 52:4). Alani didok sahalak naposo ni Debata (sisean) ingkon dila na digohi angka hata pasupasu ma manang angka hata na denggan. Mardila sisean ima  na olo pasahathon Hata ni Debata na jinalona laho mangurupi halak na maheu, na gabe aek tabar tu angka na mauas, mangalehon hamalumon tu angka na marsahit, mangalehon las ni roha tu angka na marsak, mangalehon semangat ni ngolu tu angka naung mandele.  Naeng dohonon disi ia ‘dila’ naposo ni Debata manang sisean ni Tuhan i ingkon “dila na berwibawa : berbobot jala bermutu”. Tung marasing situtu  do molo dila angka parjahat ima na sai mambahen halak mandele, dohot patah semangat.

2.      Pinggol na marbinege

Doshon songon dila, pinggol pe tung mansai ringkot do di pamatang on. Fungsi ni pinggol ima marbinege, alani sai boi do saluhutna dibege aha pe di ngolu on, termasuk ma disi marbinege di angka na roha; angka na jat; angka na gabeak, angka hata na so tutu (isu-isu manang gossip), jala laos boi do marbinege di angka na sintong dohot angka na denggan. Laos adong do halak na mamake pinggolna holan pamolusan barita sambing ima na masuk pinggol sihambirang laos haluar sian pinggol siamun songoni do sebalikna. Tung mansai marasing do molo didok “pinggol sisean/naposo ni Debata”, ima pinggol na tajom (tinggil) marbinege tarlumobi manangihon Hata ni Debata ndada angka soara na asing. Tinggil mambege angka na sai mangido pangurupion. Tinggil dina mambege jala manangihon angka na metmet (na pogos, na ginosa-gosa portibion). Marhite na tajom manang tinggil (peka) mambege dohot manangihon na masa di portibion gabe jongjong ma ibana songon “tangan” ni Debata laho patulushon angka na denggan/na sintong hombar tu lomo ni roha ni Debata. Songon dia ma cara na asa berfungsi denggan ‘pinggol’ jala tajom/tinggil di ngolu on? Asa unang songon didok : adong do pinggolna alai ndang berfungsi alias nengel (tumpul). Ndang boi ndang, ingkon do torus mangolu dipanangihon soara ni Debata marhite HataNa. Songon didok di Jesaya 55 :3 “tarehon hamu ma pinggolmuna, jala roma hamu tu Ahu! Tangihon hamu ma asa mangolu tondimuna i. Jadi bahenonHu ma tu hamu padan salelenglelengna”.

3.      Hasatiaon dohot habangeton roha

Sahalak naposo ni Debata ima sahalak na mampu manahan di angka pangunjunan. Siala pangoloionna di tuanna tung marbenget do ibana laho gabe tumbal di tuanna. Alai ndada marisuang naung dipatupa ibana saluhutna tung gabe halomohon ni tuanna do ibana. Dibagasan parungkilon nang sitaonon ido tandaon ma tangkas naposo ni Debata ‘na tulen’ dohot na holan ‘imitasi/palsu’. Sahalak Naposo ni Debata ingkon taruji do di godang ni angka pangunjunan na dibolus dipardalanan ngoluna. Jala na mansai menarik ima molo pe sai dibagasan parungkilon ibana, halak na manghosomi ngoluna, na manjahati tung so adong do saotik pe dibagasan rohana laho mamalos saluhutna i. Dipasahat do sude na masa di ngoluna tu Debata asa Debata na mangurupi dohot na mamintori ngoluna marhite uhum na sintong i. tung dihamonangkon  naposo ni Tuhan ido panjouon dohot pamillitonna jala tung ramot do denggan dibahen ibana haporseaonna, sarupa songon na didok Apostel Paulus : “Nunga hupasidung paraloan na denggan i, nunga hupaujung parlojongongki; ramot hubahen haporseaon i” ( 2 Tim.4:7).

Sipahusor-husoran

1.         Naposo ni Debata ndada dirina sandiri na mamillit dirina  alai Debata do. Alani  naposo ni Debata ingkon unduk jala satia do tu otoritas ni Debata. Ndada dirina sandiri be na manontuhon ngoluna alai nunga Debata, Molo Debata do na mamillit jala na marsuru nasida tu sude jolma dohot tu liat portibion tontu ingkon tangkas do Kualifikasi/kriteria naposo ni Debata  ima : ‘mardila sisean”, ‘marbinege na tajom jala tinggil’, jala mampu mangadopi sude angka na masa di ngolu on dibagasan roha na sai tongtong mangoloi parsuruon ni Tuhan i.

2.         Ndada na neang panjoun dohot pamilliton na gabe naposo (sisean) ni Debata. Asing ni tanggungjawa, ulaon na pe tung mansai borat do ; manjalo angka na bernit, na hansit jala na parir. Marragam do sitaonon dohot haporsuhon nata ain siala mangihuthon Tuhan i. Songon hea didok Jesus : manang ise na giot mangihuthon Ahu dituhuk ma silang na tu ibana jala  dipasoada dirina. Ima sada tanda hasatian na manongtong mangihuthon Debata. Alani tabahen ma angka na masa di pardalanan ngolunta i songon tanda na satia hita mangihuthon Ibana saleleng ni lelengna. 

3.         Sungkun-sungkun nuaeng di hita :Naposo manang sisean ni Debata na songon dia do hita nuaeng? Amen. (h2pb2)

Yakobus 1 : 16 – 27

Menjadi Pendengar Firman Tuhan dan Melakukannya

Sapaan Firman Tuhan minggu ini mengarahkan kita untuk setia di dalam Firman Tuhan. Kesetian yang dimaksudkan adalah setia mendengar Firman Tuhan dan setia di dalam melakukan Firman Tuhan. Kita mungkin adalah orang yang rajin ke gereja, rajin mendengar firman Tuhan tetapi belum tentu kita orang yang rajin melakukan firman Tuhan. Bahkan kesibukan hidup sehari-hari membuat kita jarang untuk bergaul dengan Firman Tuhan apalagi untuk melakukannya. Jemaat (kita semua) adalah pelaku firman yang aktif, bukan hanya pendengar yang pasif. 

Firman Tuhan itu mengajarkan hal-hal yang patut kita katakan dan kerjakan. Firman Tuhan semuanya baik dan membangun hidup yang benar. Iman kita akan bertumbuh bila kita melakukan firman itu dalam kehidupan kita sehari-hari, sehingga kehidupan kita menjadi sebuah kesaksian bagi orang lain.  Akan ada terobosan-terobosan baru dalam hidup orang yang melakukan firman Tuhan. Melalui Firman Tuhan, hidup kita akan mengalami transformasi kearah yang benar dan yang semakin lebih baik. Hidup kita akan jauh dari hal-hal yang sesat , kekotoran, dan amarah yang hanya mendatangkan kerugian dan kesengsaraan.

Mendengarkan dan membuka hati lebar-lebar akan firman Tuhan membuat kita semakin mengenal diri sendiri dan diajar untuk mengintrospeksi diri. Tuhan ingin orang percaya itu mengenal dan menyadari dirinya  sehingga melalui firman Tuhan yang didengarnya  mampu mengubah sikap dan prilakunya ke arah yang lebih baik dan positif. Firman Tuhan menjadi “cermin yang hidup” yang selalu melihat kita secara keseluruhan baik dari luar diri kita sendiri dan dari dalam hati kita. Melalui Firman Tuhan akan “menelanjangi” siapakah kita ini sesungguhnya bagi orang lain dan terutama bagi Tuhan.

Untuk tinggal di dalam firman, ada beberapa hal yang harus kita perhatikan: 1. Menerima firman, “…terimalah dengan lemah lembut firman yang tertanam di dalam hatimu,” (Yakobus 1:21). Kita harus menerima firman yang kita baca baik melalui renungan/kotbah dengan hati yang lembut agar firman itu tertanam di dalam hati kita. Janganlah kita mengeras hati dan pikiran kita sehingga sulit menerima Firman. Hati dan pikiran yang keras membuat Firman Tuhan sulit untuk tumbuh subur di dalam kehidupan kita. Hati lembut berarti tidak memberontak atau melawan, rela untuk dikoreksi dan dinasihati. 2. Merenungkan firman, “…meneliti hukum yang sempurna,” (Yakobus 1:25). Tidak asal membaca tetapi kita harus memperhatikannya dengan teliti. Bukan bermaksud memilah mana Firman yang berasal dari Tuhan dan bukan dari Tuhan. Meneliti Hukum atau Firman Tuhan mengajari kita untuk memahami Firman Tuhan yang utuh bukan yang setengah-tengah apalagi menafsirkan dengan tidak benar. .3. Melakukan firman, “…sungguh-sungguh melakukannya…” (Yakobus 1:25).  Artinya, melakukan Firman Tuhan secara benar dan dengan segenap hati, jiwa dan pikiran (full power). Ada godaan dari banyak pihak beragama untuk melegalisasi perbuatan yang dilakukannya bahkan dalam kenyataannya tidak berdasarkan firman atau pemahaman mereka yang keliru mengenai Firman.

Bagi penulis surat Yakobus hukum atau Firman dapat memerdekakan orang hanya ketika hukum atau Firman itu dimengerti dan direfleksikan secara benar (sudah barang tentu bukan untuk dilupakan) serta sungguh-sungguh diarahkan untuk kepentingan orang banyak. Hukum atau Firman akan mengekang ketika hanya dilihat sisi legalitasnya saja, tanpa refleksi bahkan tidak diarahkan untuk kebaikan orang banyak. Karena itu ada istilah dalam dunia pengadilan, "apakah kita menjadi corong hukum atau pelaku hukum?". Jadi kembali pada pemikiran utama surat Yakobus, kita diajak bukan hanya melihat aspek legalitasnya tetapi juga aspek reflektif dan transformatif dari firman/hukum itu. Di sinilah peranan jemaat untuk secara sungguh-sungguh menjadi pelaku firman terlihat, dan dengan demikian kehidupan beriman menjadi sesuatu yang amat dinamis.

Yakobus menekankan tentang tujuan Tuhan terhadap keberadaan anak-anakNya. Menurutnya, Tuhanlah yang berupaya menjadikan kita sebagai “anak sulung”. Pemahaman sebagai anak sulung bisa kita artikan bahwa kita dibentuk dan dibawa untuk menjadi ciptaan yang terbaik diantara ciptaan lainnya. Betapa indah dan besarnya anugerah yang telah kita peroleh dalam nama Tuhan Yesus. Kita yang dahulu jauh sekarang sudah menjadi dekat, hidup kita telah diperbaharui menjadi manusia baru, Dia menjadikan kita menjadi anak sulung di antara semua ciptaanNya. Akhirnya, berbahagialah orang yang mendengarkan Firman Tuhan serta memeliharanya di dalam kehidupan sehari-hari. Amin   (h2pb2)

Roma 8 : 22 - 27

                                                                                                              

Tondi ni Debata na manogu hita

PATUJOLO

Molo pinaroahon di pardalanan ni ngolunta marragam do sungkun-sungkun taringot angka na masa na niadopan? Songon haroro ni udan dohot mataniari, songoni do pardalanan ni ngolunta na sai jumpang las ni roha dohot angka arsak ni roha. Boi do saonari songon na marbunga-bunga panghilalaonta alai marsogot  maraburan ilu alani ni songgop arsak ni roha?  Jala ndada marimbar i tu sude jolma, natape pe i sahalak na sai martangiang dohot burju mangulaon angka na denggan? Molo marungkil angka na parjahat ndada pola godang sungkun-sungkun disi, jala boi do dohonon na wajar i, alai beha muse molo marungkil angka jolma na sintong dohot na tigor i? On do na mambahen gabe polemik di ngolunta on?  Alai marhite turpuk jamita di ari Pentakosta i on, diuji patorangkon pangulaon ni Tondi Porbadia di ngolu ni angka na porsea molo songgop sitaonon. Na torang, ndang malua na porsea i sian sitaonon saleleng mangolu dope ibana. Baliksa, boi do lam tamba sitaononta alani haporseaonta i.

HATORANGAN NI TURPUK

Torang do dihatindangkon Ap. Paulus di ay. 22 paboa sude do na tinompa ni Debata rap marhoi jala mambebe. Ndada holan jolma manisia, ndada holan angka na porsea, alai sude do na tinompa, ima angka suansuanan, pinahan, hajanghajang ro di saluhut parlangitan, na porsea dohot na so porsea. Sude ingkon mamolus sitaonon na dokdok situtu. Digombarhon do haberniton i marhite na maheu dohot mabebe (mengeluh dan merasa sakit saat bersalin). Somalna angka na maheu lumobi molo sahat pola mambebe, ima gombaran ni na hansit situtu, na pola ndang diboto sada ina na naeng mangintubu manggombarhon hahansiton na mambebe i. Alai tangkas do dihatindangkon Ap. Paulus hasurungan ni angka na porsea. Dijolo ni turpuk on didok do, nasa na tinogihon ni Tondi i, ima angka anak ni Debata na so olo mabiar mangadopi kondisi pambebeon, ala nunga dibolus Kristus lobi sian i, ima di hau pinarsilang i. Ibana do tudosan dipardalanan ni ngolunta. Ala anak ni Debata do hita, tontu godang ma hasurunganta sian angka na so anakonNa. Parjolo, manghirim. Tondi i do margogohon hita manghirim. Ndada saguru di angka na porsea i rumang, balga, gogo ni na hinirimna i, tung saguru di Debata do. Manghirim patuduhon sahalak jolma na sai porsea diangka sipaimahon. Manghirim ima mamereng na so diida alai boi do diida dibagasan haporseaon. Contoh : sahalak na manuan bona ni mangga, natape sian na metmet alai sai tong do ditambori denggan asa dapotan parbue na denggan di tingki aduan, songon sahalak parsikola na sai nunut marsiajar asa dapot angka citacita ni ngoluna. Songon didok apostel i :”Ai molo niida na hinirim i, ndang pangkirimon be i dohonon” (ay.24). Dison do parasingonna dohot angka jolma na so porsea ima na sai mamereng tanda, bukti dohot angka fakta di ngolu, dungi pe asa pos rohana di angka siulaonna. Anggo jolma na porsea ndada bukti/fakta na parjolo siluluan alai ingkon porsea do. Ido umbahen adong hea didok Jesus :”Martua ma angka na porsea, atik pe so diida” (Joh.20:29). Paduahon, marhabengeton. Molo lam togu panghirimon, lam margogo do manaon dina paimaimahon hasasaut ni na hinirim i. Molo didok na marbenget ndada pola sai sungkunon andingan manang sadia leleng. Anggo pola boi botoon tingkina dohot lelengna ndada pola marbenget hita disi, ai cukup dohonon marpaima. Benget dohot paimahon, dua hal na mansai marasing do i. Anggo benget ima marpaima alai dibagasan na manongtong, ndada bergantung tu angka partingkian, alai monontong dibagasan ujian na borat. Ido alana halak na marbenget songon tolak ukur menguji kesabaran, hasatiaon dohot kepastian. Alai molo na marpaima sai bergantung do tu partingkian, jala boi do muba-muba roha dohot pikiran jala olo madabu tu pandelean. Patoluhon, Mangarade, haradeonna ima marhite na mangaloas Debata marhite TondiNa mangaturhonsa. Tangkas do pangurupion ni Tondi i, nang pe di ombas na gale hita, ombas na so adong be gogonta, pingkiranta laho manghatahon pangidoanta dibagasan hata na tingkos. Mangarade di sude angka na naeng masa, ndada holan siparadeon di angka na jumpang las ni roha,alai mangarade di alus na so saurdot di angka panghirimon niba. Na umborat ima di pangaradeon angka na parir dohot na hansit ai godang jolma ndang mampu disi. (patudos angka keluarga na mangadopi kejadian madabu pesawat Sukhoi, ndang mampu nasida manjalosa dungkon leleng pe baru nenget-nenget lam tarjalosa). Porsea do ahu, sude hita belum tentu mampu mangarade tu angka sisongoni, natape taboto hamatean/parsirangan nunga jambar di ngolunta on. Paopathon, Martangiang. Dungkon manghirim, marbenget dohot mangarade na mansai ringkot situtu ima martangiang. Tangiang ima dalanta patuduhon haundukhonta dilomo ni roha ni Debata, jala marhite tangiang lam boi tarjalonta sude angka na masa. Holan mangido do hita, alai ianggo na pasauthon marguru tu lomo ni roha ni Debata do. Boasa? Holan Debata do na umboto na dumenggan tu hita. Diajari Tondi i do hita asa taboto manghatahon pangidoanta na umbuk (sesuai) tu lomo ni roha ni Debata, ndada mangasahon hagiot ni roha dohot pingkiranta. Anggo holan mangasahon pingkiranta dohot rohanta ndang tarbahenta mangantusi sangkap dohot lomo ni roha ni Debata, ido alana porlu “pengantara” ima Tondi Porbadia. Mangula do Tondi i laho patingkoshon pangidoanta tu Debata (ay 26), asa ditongos Debata pangurupionNa laho mangatasi hagaleonta i. Na ringkot, asal tongtong hita dibagasan panghirimon i jala manghirim holan tu Ibana sambing

SIPAHUSORHUSORON

1.            Saleleng mangolu angka na porsea i, sai taadopi do angka sitaonon i. Marhite angka sitaonon i patubuhon godang hagaleon di ngolunta, isarani songon : gale haporseaon, gale marpanghirimon, gale  marbenget ni roha. Boasa? Siala angka persoalan dohot sitaonon ido na mangarajai rohanta, hape lupa hita na adong Debata marhite Tondi Porbadia na sai tongtong mandongani dohot mangurupi hita. Toho do jolma na gale hita alai ndada mandok siala mamereng angka hagaleonta gabe ndang taboto be na adong do Debata dohot Tondina mangalehon gogo tu hita. Justru, ingkon adong do kelemahanta asa sai ro hita mangido hagogoon sian Debata. Ai molo jolma na margogo hita dohot jolma na sempurna 100 % nunga hatop-hatop dao Tuhan i sian ngolunta. Gari na godang kelemahanna pe dohot angka sitaonon di ngoluna nunga sai manghalupahon Debata.

2.        Asa nang pe di na marhoi hita, lomo dohot sangkap ni Debata do na ingkon saut. Ia lomo roha ni Debata dihagaleonta i, dao dumenggan do i sian isi ni hoihointa i, ala sahat rodi ngolunta si salelengnilelengna do lomo ni roha ni Debata. Adong do mandok : Justru di godang  ni angka hoihoi ni ngolunta i lam tahangoluhon hagogoon ni Debata. Anggo holan na mulus-mulus do ngolunta, jotjot ndang tarajumi be na mangula Debata di ngolunta. Nian boi do maol tahantusi sangkap ni Debata di pardalanan ni ngolunta, alai molo sai taihuthon angka sangkap dohot lomo ni rohaNa i, nang pe sipata songon na marbelok-belok ditogihon hita songon bangso Israel i alai tu dalan hasonangan do tahe. Amen