Lukas 18 : 28 - 30

Tema

“dapotan do halak na burju mangula-ulaonna”
Patujolo
Dijolo ni turpuk on dipatuduhon do songon dia maol na sahalak na mora manjalo Harajaon ni Debata. Disungkun sahalak na mora i do Jesus :”O Guru, na denggan roha! Dia do sipatupaonhu, asa hutean hangoluan na salelenglelengna” (ay.18). di Matius 19:22 dipatuduhon, na mora i ima sahalak naposo. Dihilala naposo na mora ido nunga diulaon saluhutna na hombar tu Patik ni si Musa dohot saluhutna na hombar tu Hata ni Debata. Sian i, tubu dibagasan pikiranna nunga patut jaloonna na balga sian Debata. Alai didok Jesus do tangkas sada nai na so diulaonna dope ima “Sada nama na hurang di ho : gadis ma nasa na di ho, parlehon ma i tu angka na pogos, gabe mararta ma ho di banua ginjang. Dungi ro ma ho mangihuthon Ahu”? Dung didok Jesus si songon i habot do rohana, lapatanna songon na so tarjalona do na dipangido Jesus i. Boasa songon i ? Siala ndang rade rohana mangadis sude hartana i laho manjalo arta na dumenggan jala na arga sian naung adong di ibana. Ternyata rumingkot dope di ibana artana na godang i sian arta na di banua ginjang na naeng sipasahaton Debata tu ngolu ni jolma i. Alani ma gabe didok Jesus muse “ Gumabur do boluson ni gaja pinggol ni jarum, unang halak na mora bongot tu bagasan Harajaon ni Debata”. On ma manghehei sungkunsungkun di roha ni natorop na umbegesa dohot angka siseanNa i: Molo boti, ise ma tarbahen malua (ay.26).

Penjelasan
• Ay. 28, Petrus manungkun :”Hutinggalhon hami do na di hami mangihuthon Ho”. Taboto do dipillit Jesus angka siseanNa i sian angka parulaonna dohot keluargana; adong ma i panjala dengke, adong sijalo beo dohot angka na asing. Di roha dohot pingkiran si Petrus dung membege panghataion Jesus dohot sahalak na mora i, beha ma ibana muse dohot angka sisean na asing, dia ma sijaloon nasida songon upah na be. Hape so adong be artana laho sigadison asa pasahaton tu angka na pogos, songon na didok Jesus Jesus mandok tu na mora i asa lam singkop ngoluna ima ingkon gadisonna do artana laho pasahaton tu angka na pogos. Berarti dos ma nasida dohot namora i ndang be boi bongot tu bagasan Hangoluan na saleleng ni lelengna. Sasintongna ndang na salah manang hurang sungkun-sungkun si Petrus on, jala wajar do i. Taboto do tangkas memang adong do parasingan si Petrus maradophon angka sisean na asing na blak-blakan. Di roha dohot pingkiran si Petrus naeng do botoonna angka dia ma naeng sijaloanna naung manadingkon keluarga dohot angka ulaonna, holan na mangihuthon Jesus.
• Ay. 29-30, tangkas do didok Jesus : Situtu do hatangkon tu hamu : nasa na manadingkon jabuna, manang na niolina, manang hahaangina, manang natorasna, manang anakhonna pe ala ni harajaon ni Debata, ingkon silompit do jaloonna i di hasiangan on, angkup ni i hangoluan salelenglelengna di hasiangan sogot”. Diantusi Jesus do na marhusari dibagasan roha ni angka siseanNa i. Nunga tubu keraguan di pikiran nasida masa depan na mangihuthon Jesus i. Dibahen Jesus do jaminan (garansi) tu nasida songon didok Na di ginjang nangkin. Jaminan na nilehon Jesus ndada holan ngolu di portibi on alai dohot do ngolu sogot ima hangoluan na salelenglelengna i.

Renungan
• Bangko jolma na mangolu di portibi on molo mangula hita tontu araponta do upah sian halojaonta i. Songon didok hata ni halak Batak : Molo gambo pe nijama, sai adong do mapiltik tu baba. Lapatanna, molo niula sada siulaon, nihirim do adong upa manang paruntungan sian i. Ndang adong na salah sian i, na gabe salah ima molo sai tabahen untung/rugi mangihuthon Tuhan i. Dipatudos mangihuthon Jesus songon na manuhor barang, molo dituhor sada barang aha do untungna jala aha do rugina. Ngolu na mangihuthon Debata, sasintongna ndang adong harugianna alai songon jolma hita di portibi on sai tambahen do hali-hali hajolmaon laho marnida saluhutna i. Ido alana, godang dope halak Kristen di portibion alang rohana mangihuthon Tuhan i siala ndang pintor jaloon, daion, manang dinikmati upa halojaon mangihuthon ibana. Na marasing situtu molo karejo di ngolu portibi on, sadari diulaon nunga adong upana manang sadia pe taho i. sarupa songon jotjot didok parjamita :”diallang lasiak pintor pedas, diallang sira pintor hatsim, diallang gula pintor tonggi”. Ndang ingkon songoni na mangihuthon Tuhan i. Na pasti songon didok Jesus di turpuk on, sude na mangula tarlumobi ngoluna dipasahat tu Tuhan i tontu marlompit do jaloonna sian Tuhan i, ndang holan upa na adong di portibion alai dohot do upa dung tatadinghon portibion. Alai unang ma upa i parjolo ditaringoti dungkon i pe na mangulaon. Ai jotjot do hita pintor manimbangi angka dia ma sijaloonta umbahen adong pertimbangan olo manang ndang olo laho mangulaonsa. Sasintongna Kewajiban lebih dulu barupun hak (mangula dungkon i jaloonta ma upahta hombar tu ulaonta be).
• Manadingkhon angka keluarga, sisolhot dohot na mangadis saluhut arta ndang didok Jesus secara harafiah i, alai naeng didok Jesus asa humsolhot jala humringkot hita di ulaon Tuhan i sian angka ulaon portibi on. Ai godang do jolma nang pe halak Kristen nuaeng on molo na marhuria i holan pasi-pasi sambing, sisa-sisa di gogo, pikiran, talenta nang artana pe. Tapatudos ma jolo peleanta nang pelean ruas i, nda na ummetmet sipasahatonna songon na sisa-sisa di dompetna do tu Tuhan i martimbangkon laho manuhor baju tu Mall pintor naumbalga ido siboanon. Adong do Hata ni Debata mandok :”Ai ia disi artamuna, disi do nang rohamuna”. Ido umbahen, godang do angka na adong di hita suang songoni keluarga, ulaonta dohot artata gabe mangambati hita laho pajumpang dohot Debata. Hape adong do hata ni Debata mandok :”sai jumolo ma lului hamu harajaon ni Debata dohot hatigoranNa, dungi tambahonnonNa do sude angka ondeng tu hamuna” (Matius 6:33).
• Upah mengikut Tuhan dengan sungguh-sungguh, akan kita dapatkan pada masa kita masih di dunia ini dan masa yang akan datang ketika kita sudah meninggalkan dunia ini. Pengorbanan kita melalui persembahan hidup kita untuk pekerjaan Tuhan tidak akan sia-sia, sebagaimana dikatakan Paulus dalam I Kor. 15 : 58 “Karena itu, saudara-saudaraku yang kekasih, berdirilah teguh, jangan goyah, dan giatlah selalu dalam pekerjaan Tuhan! Sebab kamu tahu, bahwa dalam persekutuan dengan Tuhan jerih payahmu tidak sia-sia”. AMIN

Markus 1 : 40 - 45

Tema
“Marpos ni roha tu sangkap dohot asi ni roha ni Debata”

Penyakit kusta (lepra) manang huliton di halak Jahudi na jolo didok doi na hona bura (kutukan) alani dosa manang pangalaho na niula ni jolma i. Alani do halak na hona huliton jotjot do dipasisi/dipadao, ndang boi jonok hurang sian 50 meter. Boasa ? Marbonsir ma i siala aturan ugama na mambahen ndang boi sijonokon nasida, bandingkon na masa di tingki Miryam, Gehazi, dan Uzia (4 Musa 12; 2 Raj 5; 2 Kronika 26), jala muse mabiar jolma i so tung bali tu nasida. Molo dais iba tu ibana gabe dohot iba ramun (gabe mardosa), jala didok muse sahit na menular do i. Sian i boi berengonta angka na marsahit huliton tung mansai borat situtu do panghilalaanna na mangolu i. Ai nunga marsahit dungi dipasisi muse sian tonga-tonga parsaoranna siganup ari. Lapatanna nunga dianggap jolma naung mate nang pe sasintongna mangolu dope nasida. On ma didok peribahasa Indonesia “Sudah jatuh ditimpa tangga pula”. Alanii, ndang mungkin be boi malum nasida, sada ma i ala na so adong ubatna dope, alai napaduahon ala na so adong be jolma na olo mangurupi nasida, ai nunga dipasisi/dipadao sian tonga-tonga parsaoran ni ngoluna.
Nang pe nunga tung mansai borat dihilala na huliton i alai ndang mansohot panghirimon ni rohana, jala sai marsigorgor do haporseaonna na boi malum do muse di sada partingkian na so binoto na. Haporseaon ido mamboan ibana tu Jesus jala mangelek mandok :”Molo na olo Ho, tarpamalum Ho do ahu” (kalau Engkau mau, Engkau dapat mentahirkan aku).
Di Jesus sandiri, sude jolma ber-HAK mangolu songon jolma na asing i. Angka na marsahit pe porlu do malum. Alani molo pe godang jolma na pasisi na huliton i alai Jesus sandiri ndang gabe mandao sian nasida. Laos didok Jesus do tu na huliton i “Na olo do Ahu; ias ma Ho”. Sian i boi do berengonta na diboto Jesus do situasi na huliton i. Nunga tung matematena panghilalaan na huliton i. Alani dipatudu Jesus tu ise do sasintongna Ibana ro tu tonga-tonga portibion. Molo mulak jolo hita tu Misi ni Jesus di Lukas 4 : 18-19 : “Songgop do tu Ahu Tondi ni Tuhan i, ai dimiahi do ahu mamboan Barita na Uli tu angka na pogos. Disuru do ahu, mamaritahon tu angka na tarhurung asa malua, tu angka na mapitung asa marnida, paluahon angka na ginosagosa, mamaritahon taon parasinirohaon ni Tuhan i”
Tangkas do taida tudia Jesus berpihak di angka panghobasionNa? Jala konsisten do Ibana sahat tu ujung ni ngolunna di portibi on.
Na menarik muse di ayat.44, dungkon malum na huliton i disuruh Jesus do asa pabotohon tu angka malim, ndada tu jolma na torop i. Boasa songoni? Taboto do sahalak Malim di Padan Narobi marhuaso mandok sasahalak mardosa manang ndang, jala marhite nasida boi do mandabuhon uhum tu jolma i. Sude do unduk molo nunga manghatai Malim. Dihaporseai nasida do ia malim ima songon wakil ni Debata di portibi on. Alai diida Jesus do di partingkianna nunga melenceng be ulaon ni Malim, ai gabe marlomo-lomo do nasida tu bangso laho mangalului pangomoan sian i. Hape ndang adong be roha na mangurupi jolma dibagasan hagaleon, parsahiton dohot angka na asing. Ido alana disuruh Jesus tu na huliton i asa dihatindanghon ibana tu jolo ni angka malim, ia adong dope na mangurupi jala na olo pamalum hon sahitna. Jala naeng patuduhon Jesus marhite na pinatupaNa hamalumni godang hahurangan angka na tardok songon Malim. Dipatuduhon Jesus do paralohon na tangkas tu angka pangalaho na so saurdot tu halomoan ni Debata, nang pe sahalak Malim i. Adong na bisuk mandok : molo pemimpin ndang be adong otoritasna jala nunga mago holong, sasintongna pemimpin si songoni nunga mago be pengaruhna di adopan na dipimpinna. Ido parasinganna tu Jesus na sai tongtong dipatuduhon rohana tu jolma i. Gabe marpanghorhon sahat tu nuaeng on.

Unok ni Jamita
1. Haporsean ndada pintor timpak ro sian Banua Ginjang dungkon i mian dibagasan ngolu ni jolma. Haporseaon dimulai sain namangihon Hata ni Debata, jala mananda Ibana. Ido na dipatuduhon na huliton i nang piga-piga halak na marsahit isarani si Naaman. Jotjot do Jesus di tingki laho pamalumhon sasahalak pintor didok do :”Haporseaon mi do pamalum ho”! Molo tatanda Jesus ima na boi pamalumhon angka sahit sian najolo sahat tu sinuaeng tontu ndang gabe muba rohanta mangalului angka hagogoon na asing na so boi menjamin songon naung godang dipatupa Jesus tu angka na porsea i. Ai ndang adong na so tarpatupa Debata, hataridaan ni i, ingkon adong do roha na mangido sian hita dibagasan parsitutuon dohot konsitensi (manongtong). (patudos Matius 7:7 pangido, tuktuhi, lului).
2. Haporseaon ndada holan sebatas na porsea, alai ingkon sahat do na unduk jala mangoloi na didok ni Debata. Hea do ra taboto cerita di tingki na pamalum sahalak na mapitung Jesus, dibuat do orbuk sian tano dungi disuruh dipaias di aek Jordan. Molo tabereng aha ma hubungan tano i tu halak mapitung i? Na didok disi dioloi do parenta ni Tuhan i umbahen gabe malum nasida. Suang songoni di tingki adong sahalak na pangpang/ndang boi mardalan, didok Jesus do :Tindang ma ho, jala handit lage-lage mi? pintor dioloi na pangpang i laos malum do di tingki i. Godang do hita di partingki si-nuaeng on, holan porsea alai porsea dipamangan do. Tung maol do hita mangulaon sian haporseaonta i. Jotjot do hita dibagasan na ragu-ragu, na satonga-satonga parsitutuonta dina manghaporseai Tuhan i. Tacoba jolo membandingkon di ngolu on, piga godang do halak Kristen na sai tongtong dope porsea tu na asing termasuk angka ilah-ilah/angka debata na asing.
3. Gereja dohot halak Kristen ndada jongjong gabe panguhum tu jolma na asing i, nang pe dibagasan dosa nasida tarlumobi na marsahit songon na didok sahit na “hona bura”. Tarlumobi di partingkian sinuaeng on nunga godang angka sahit na so binoto aha do mambahen sahit i, jala divonis ndang boi malum siala ndang adong dope ubatna songon AIDS. Gereja harus beroritentasi kepada manusia bukan ibadah atau liturgi semata. Asa unang adong hita paduruhon (mengucilkan) manang ise pe sian ruas ni huria, manang na so hea marminggu, manang na bermasalah, ingkon rade do hita gabe DONGAN (SAHABAT) tu sude jolma i. Jesus pe mandok : ingkon gumodang do perhatianta tu sahalak biru-biru na mago i. Di Jerman godang do jolma na marsangkap maningkot setiap hari, alai godang do na gabe sundat maningkot siala dibege nasida di sada stasiun radio mandok : Kami siap menjadi Sahabat Anda!!!. Jotjot di pingkiran jolma si nuaeng on tanda na mangurupi ima marhite hepeng dohot na hinaporluhon nasida, hape sasintongna na rumingkot ima PERHATIAN na so pola dituhor.
4. Tatiru ma Jesus na so olo paginjanghon dirina ala pangurupion na pinatupa tu na huliton i. Justru dipaserep do rohana asa unang pola dipaboa-boa tu jolma na torop i. On ma sada kritikan di hita jolma sinuaeng on, otik manang godang dibahen tu halak, tu huria na ingkon sude jolma mambotosa. Hape gumodang do na jotjot tabahen i so apala sadia dope martimbangkon naung dibahen Debata di ngolunta on. Tatiru ma halak na patupaon manang aha pe di ngoluna sai dipajolo do Hatana mandok : Tuhan ido na manjou ahu mangurupi hamu na. Amen