HEBER 3 : 12 - 19

HEBER 3 : 12 - 19

Bahasa Batak

Bahasa Indonesia

4:17 Asa on do na hudok jala huhatindangkon marhitehite Tuhan: Na so tupa be hamu marpangalaho songon halak sipelebegu, na marrohahon na so marguna. 4:18 Angka parroha haholomon do nasida, angka na holang sian ngolu ni Debata, binahen ni haotoon ni rohanasida, ala naung gabe pir rohanasida. 4:19 Ndang marnangon nasida, gabe dipasahat dirina tu pargadombuson, jala diulahon nasa harorangon mardongan pangahution. 4:20 Alai anggo hamu, ndang songon i diguruhon hamu Kristus i, 4:21 namun dibege hamu baritana jala dapotan poda sian Ibana, i ma hasintongan di bagasan Jesus: 4:22 Tanggali hamu ma jolma na buruk i, isara di pangalaho najolo, ai laho mago do i hinorhon ni angka hisaphisap sipaotooto. 4:23 Alai paimbaru hamu ma dirimuna di bagasan tondi ni rohamuna! 4:24 Jala solukkon hamu ma jolma na imbaru, na tinompa suman tu Debata, di bagasan hatigoran dohot hapolinon na marhasintongan!

4:17 Sebab itu kukatakan dan kutegaskan ini kepadamu di dalam Tuhan: Jangan hidup lagi sama seperti orang-orang yang tidak mengenal Allah dengan pikirannya yang sia-sia 4:18 dan pengertiannya yang gelap, jauh dari hidup persekutuan dengan Allah, karena kebodohan yang ada di dalam mereka dan karena kedegilan hati mereka. 4:19 Perasaan mereka telah tumpul, sehingga mereka menyerahkan diri kepada hawa nafsu dan mengerjakan dengan serakah segala macam kecemaran. 4:20 Tetapi kamu bukan demikian. Kamu telah belajar mengenal Kristus. 4:21 Karena kamu telah mendengar tentang Dia dan menerima pengajaran di dalam Dia menurut kebenaran yang nyata dalam Yesus, 4:22 yaitu bahwa kamu, berhubung dengan kehidupan kamu yang dahulu, harus menanggalkan manusia lama, yang menemui kebinasaannya oleh nafsunya yang menyesatkan, 4:23 supaya kamu dibaharui di dalam roh dan pikiranmu, 4:24 dan mengenakan manusia baru, yang telah diciptakan menurut kehendak Allah di dalam kebenaran dan kekudusan yang sesungguhnya.

GABE JOLMA NAIMBARU

Molo disungkun hita nuaeng di punguan parompuan on ima “nunga sadia leleng hita na gabe halak kristen”? Pasti dohononta 4o taon manang 50 taon, manang sagodang ni umurta nuaeng. Aut dibahen rata-rata umurta di 45 - 50 taon, berarti nunga gabe halak kristen hita di bagasan umur i. Tontu sada pardalanan na ganjang do i, ibaratna molo angka na marsikola dohot na kuliah, nunga martitel S2 manang S3 I. Berarti nunga hebat, jala nunga mansai godang pengalaman, parbinotoan, dohot lan dope na asing. Alai molo nunga di sungkun muse, dina naung 45 sahat 50 taon hita gabe halak kristen “nunga tangkas taboto jala tahangoluhon hakristenonta i”? Anggo on pasti marmacam jala marasing-asing alusta taringot tu sungkun-sungkun i. Adong do ra na langsung mandok: Ndang dope. Alai laos adong do na mandok: Saotik dope! Jala adong do ra na mandok “Lumayan ma”!. Ndang binoto sadia bagas jala sadia godang ma na lumayan on. Na pasti hira na so adong do na barani mandok :”Nunga singkop jala naung gabe halak kristen tutu situtu do ahu/hita.

Sada ciri-ciri sahalak kristen na singkop manang na marsitutu ima ngolu naimbaru/hidup baru. Dia do lapatanna hidup baru on? Ima jolma na manadinghon parngoluan na leleng, parngoluon na sai tinggal dibagasan pardagingon. Manang ngolu naimbaru ima ngolu na pasidinghon pangalaho manang bangkobangko hawa nafsu (tabiat-tabiat lama). Alai jolma naimbaru ima naung boi mangulaon angka pangalaho partondion (Gal.5:22-23: Holong, Las ni roha, Dame, Lambas Ni Roha, Habasaron, Habasaon, Haporseaon, Halambohon, dohot Hatomanon). Hape tung torop dope di ngolu halak kristen sai mian Pangalaho Na leleng i (tabiat-tabiat lama) ima parmainanon, hahodaron, pargadombuson, hasipelebeguon, hadatauon, parmusumusuon, parbadabadaon, pangiburuon, rimasrimas, pargutugutuon, parsalisian, partahitahion, bunubunu, parmabuhon, haormuson (pat.Gal.5:19-20).

Manat do hita halak na mangakuhon dirina sahalak Kristen hape sai mian di pangalaho na leleng i. Hea do masa, adong ma supir ugal-ugalan hampir hona tabrak na lagi menyeberang jalan, gabe pintor tompu direm mobilna asa unang gabe hona tabrak jolma na lagi menyeberang i. Alai dung so mobil i, dibuka ma kaca mobilna i huhut mardongan murukmuruk gabe didok :”memang kalian punya nyawa cadangan ya” ninna. Laos sambil laho ibana muse mamboan mobilna i. Alai na menarik “di kaca belakang mobil nai disurathon angka hata-hata Firman Tuhan, disurathon :”Tuhan adalah Gembalaku Maz.23”. Gabe so mararga be hata Firman i siala pangalaho jolma na mangusung mobil i. Ndang binoto manang mobilna i manang mobil ni halak, alai sian bohina dohot hatana pasti do ibana halak Batak jala Kristen muse. Ima ciri-ciri na halak kristen alai ndang masuk hakristenon i tubagasan ateatena manang tubagasan rohana. Hakristenon i holan di luarna do, ndang dohot tubagasan ngoluna. On ma digoarai sahalak kristen na na munafik/ pangalaho musang berbulu domba. Berengon sepintas manang sian luar denggan, alai dibagasan nunga busuk.

Ngolu hakristenon ndang boi jaminan pangalahona nunga denggan manang saurdot dohot haporseaonna. Bahkan mungkin lebih parah, lebih jelek dari orang-orang yang yang bukan kristen. Jadi dos songon halak na so mananda Debata. Berarti molo dos pangalaho halak kristen songon na so mananda Debata, ndang adong be lapatan hakristenon i di ngoluna. Holan merek manang lebel sambing nama i, jala merek dohot lebel i nunga dipalsuon (na imitasi nama manang KW). Naeng do tongtong tapangido hagogoon ni Tondi Parbadia dohot parsitutuonta asa lam tanggal manusia lama alai gabe imbaru ma hita. Di umur na lam tambah manang lam matua, ingkon do lam tarida hatuaon manang kedewasan di ngolunta, baik kedewasaan berpikir, bertindak dohot bersikap. Apalagi molo laos dohot dina naung leleng hita gabe halak kristen. Ingkon boi do bahenonta Branding Hakristenon i manang merek hakristenon i songon jaminan (kualitas) sikap manang pangalaho na denggan di ngolu on. Sarupa do i, molo merek na terkenal jala na asli (unang KW) isarani Tas, Sipatu, Baju, pasti nunga jaminan i di mutu manang kualitasna.

Tugasta do songon halak kristen na ingkon tongtong manjaga haimbaruon naung dipasahat Jesus di ngolutaon. Anggo ndang jamot tajaga boi do mulak muse tu pangalaho na leleng i. Jala taingot ma ndang pola marguna ngolu na sai mian (tinggal) di pangalaho na leleng i. Holan marisuang do i manang kesia-siaan. Alai jolma na mian di pangalaho naimbaru marpanghorhon na denggan do i di ngolu portibi on, jala tarlumobi tu ngolu aduan ima di Surgo hasonangan I. Amen