Matius 18 : 1 - 5

Matius 18 : 1 - 5

Bahasa Indonesia

Bahasa Batak

18:1 Pada waktu itu datanglah murid-murid itu kepada Yesus dan bertanya: "Siapakah yang terbesar dalam Kerajaan Sorga?" 18:2 Maka Yesus memanggil seorang anak kecil dan menempatkannya di tengah-tengah mereka 18:3 lalu berkata: "Aku berkata kepadamu, sesungguhnya jika kamu tidak bertobat dan menjadi seperti anak kecil ini, kamu tidak akan masuk ke dalam Kerajaan Sorga. 18:4 Sedangkan barangsiapa merendahkan diri dan menjadi seperti anak kecil ini, dialah yang terbesar dalam Kerajaan Sorga. 18:5 Dan barangsiapa menyambut seorang anak seperti ini dalam nama-Ku, ia menyambut Aku."

18:1 Uju i didapothon angka sisean i ma Jesus mandok: Ise ulaning na umbalga di harajaon banua ginjang? 18:2 Jadi dijou Jesus ma sada dakdanak, dipajongjong ma i tu tongatonganasida, dung i ninna ma: 18:3 Situtu do na hudok on tu hamu: Molo so mulak rohamu, gabe songon dakdanak, tung na so bongot hamu tu harajaon banua ginjang i. 18:4 Asa na paoru dirina songon dakdanak on, i do na umbalga di harajaon banua ginjang i. 18:5 Jala na manjangkon dakdanak na songon on marhitehite Goarhu, Ahu do na jinangkonna disi.

Paserephon Roha Songon Dakdanak

Roha na mangalului hasurungan sian angka dongan na asing, nunga hira gabe bangko i di parngoluon on. Molo di bahasa Indonesia didok sikap “ter”misalnya: terbesar, termegah, terhebat, tercepat, teragung, terdepan, dan seterusnya. Ragam do angka cara dibahen jolma asa anggiat boi marhasurungan sian angka donganna. Jala molo balikna do na masa, gabe sumurung halak na asing, na boi do i gabe patubu pangiburuon sahat tu na manghosomi. Di habatahon rupani, marsiadu do jolma mampareahi hasangapon siangkup ni hagabeon dohot hamoraon (3-H), na tolu hadirion on ma na gabe sintasinta na tumimbo di halak Batak. Asa ido umbahen gabe adong tubu pandohan ni halak Batak na mandok :“Simbora gukguk duldul otik, mamora hita luhut alai sumurung au otik “. Ingkon ibana do sumurung sian donganna asa sonang rohana. Anggo ditoru ibana sian angka donganna boi paroohon sahit, mambahen sogo ni roha. Alani ido umbahen sai masa do di parngoluon ni jolma, tamba harta ni dongan gabe hita na marsahit.

Roha na mangalului angka hasurungan na boi do i patubu angka: late, hosom dohot parsalisian. Na boi sega do angka punguan, lembaga manang organisasi hinorhon ni na mangalului masihasurungan manang marsigulut di hasangapon. Ringkot do nang hita hita manaluhon roha diri dohot manaluhon roha na mangarajumi sumurung sian dongan. Tarjou do nang hita saluhutna asa gabe nasumangap marhite na manaluhon roha diri jala sian toruk ni roha tarajumi dongan jolma sumurung sian dirinta (bd. Filp. 2:3). Molo naeng sumurung jala na parjolo pareahi ma dalan na tingkos jala sintong, ndada marhite na mangarajai dongan.

Sikap mangalului hasangapon, hasurungan si songon i pe masa do di tongatonga parngoluon angka sisean ni Jesus. Muncul do sada sungkunsungkun angka sisean i tu Tuhan Jesus “Ise ulaning na umbalga di harajaon banua ginjang”. Sian sungkunsungkun i naeng do jumpang alus sian Jesus taringot ise ma sian nasida na naumbalga di Harajaon Banua Ginjang i? Sungkunsungkun i marbonsir siala terjadi do rivalitas (persaingan) di tongatonga nasida. Tarida do i, di tingki ro natoras Yakobus dohot Yohanes tu Tuhan Jesus na mandok “Berilah perintah, supaya kedua anakku ini boleh duduk kelak di dalam Kerajaan-Mu, yang seorang di sebelah kanan-Mu dan yang seorang lagi di sebelah kiri-Mu. Sasintongna ndang pola salah pangidoan ni jolma asa dapotsa upah na dumenggan sian halojaonna mangihuthon Jesus. Jala naeng do na dumenggan molo nunga diihuthon Jesus, ai nunga ditinggalhon keluargana dohot angka ulaonna. Alai molo naeng jaloonna upah na sumurung i ingkon rade do mulai sian toru, ingkon rade do marserep ni roha, unduk jala satia sahat tu ujungna. Ido alana gabe dipajongjong Jesus sada dakdanak di jolo nasida. 

Unik jala menarik do pangajarion ni Jesus dison pola ingkon dipajongjong sada dakdanak disi. Ai taboto do aha ma na boi dibahen sada dakdanak. Bila disebut dengan anak-anak pasti dilihat sebagai sosok lemah, bodoh, memalukan, tidak tahu apa-apa, belum bisa bertanggung jawab, kurang sopan, bicaranya tidak karuan, atau perilaku konyol lainnya. Alai naeng dipatuduhon Jesus do marhite na dipajongjong Ibana sada dakdanak tu sikap (pangalaho) na denggan. Adong do pigapiga na boi putihonta sian sikap manang pangalaho dakdanak ima:

Naparjolo, Roha na bulus. Dakdanak ma na bulus rohana, ndang godang angka pikiran negatif, ndang adong di nasida untung-rugi/denggan manang na so denggan, na penting di roha nasida bulus manang tulus. Alani tung mura do dipengaruhi angka dakdanak, tung mura do mubamuba rohana. Songoni ido halak na mangihuthon Jesus ingkon bulus do roha, unang pagodanghu pikiran, godang halihali untung dohot rugi.

Napaduahon, Marsigantung. Tung gomos do parsigantungan dakdanak tu natorasna. Ai molo nunga dihabing natorasna dakdanak i manang aha pe na masa ndang jadi ganggu roha manang mabiar. Songon ido hita tu Debata ingkon na pos do rohanta, ndang jadi ganggu tarlumobi mabiar di ngolu on. 

Napatoluhon, Serep marroha. Pangalaho na serep marroha di dakdanak dipatuduhon do marhite na rade rohana dibentuk natorasna. Ndang manjua manang marsidalian ibana molo dididik jala dibentuk natorasna. Songon ido hita diadopan ni Debata ingkon rade do rohanta dibentuk Debata. Jala cara ni Debata membentuk hita ndada holan marhite dalan na tabo, sipata ingkon mamolus dalan na rahis do jala godang hasusahan, alai ndang mandele justru marsihohot do tongtong. 

Songon sintongna siihuthon Jesus hita, ingkon nirajuman ma diriniba "hatoban". Molo naeng sumurung jala na parjolo (lebih utama), pillit ma cara na tingkos jala sintong. Ndada marhite na mangarajai (menguasai) dongan, ndada gabe sihobasan (dilayani), ndada marhite gabus dohot manipulasi alai marhite na gabe pangoloi dohot naposo/parhobas. Melayani pertama-tama berarti menempatkan sesama sebagai orang yang harus kita perhatikan, kita bantu, seperti ketika kita menyambut anak kecil. Menjadi pelayan dan menjadi kecil, serta mengambil tempat yang rendah adalah perbuatan besar yang akan menjadikan orang yang melakukannya terbesar di dalam keluarga Allah.

Di hita saluhutna tarlumobi angka punguan Ina na tardok na gabe parhobas di huria i ingkon sai taeahi manang tapatupa do marhaserepon ni roha di ngolu on. Ingkon ingot do hita, sude na adong di ngolunta i na sian Debata do i. Jala ingkon ingontonta do muse, songon dia pe malona, hebatna dohot mamora hita pasti adong dope di ginjangta. Songon hata na malo mandok “Di atas langit masih ada langit”. Nda sada hailaon bolon i molo sai tapatuduhon hajagoonta, kehebatanta hape ro ma naumhebat sian hita alai unduk jala serep rohana?  Gari Jesus na mora i, jala na sumurung sian saluhutna alai dipatoru do rohana gabe hatoban. Lam hita ma nian asa tapatoru rohanta. Amen