Markus 10 : 2 – 6

Markus 10 : 2 – 6

Tema

Keluarga ima harta naummarga dipasahat Debata

Patujolo

Marbonsir do turpuk on tu sungkun-sungkun ni angka halak Farise dina laho mangunjuni Jesus taringot tu legalitas formal parsaripeon di tonga-tonga halak Jahudi. Beha, na boi do sirang naung marsaripe? Taboto do molo sungkun-sungkun na pinasahat halak parise ndada sian maksud na denggan i, ai holan na mangunjuni do tahi nasida asa laho mangalului hasalaan ni Jesus. Marhite sungkun-sungkun angka halak parise i gabe dipatorang Jesus ma songon dia sasintongna parsaripeon na hombar tu lomo ni roha ni Debata, songon dia hubungan ama dohot ina, suang songoni natoras dohot angka ianakhon.

Hatorangan ni Turpuk

1.             Ay.2 - 3    : Ro ma sungkun-sungkun halak parise tu Jesus :”Beha, na jadi siranghonon ni baoa dongan saripena? Sasintongna diboto nasida do alus taringot tu sungkun-sungkun i, sarupa do di peribahasa Indonesia : sudah gaharu cendana pula, sudah tahu bertanya pula; manang kura-kura dalam perahu, pura-pura tidak tahu. Halak parise manang didok di hata Heber “perusyim” lapatanna na terasing, ima sada golongan di halak Jahudi na ulaonna marsiajar taringot tu patik ni si Musa dohot angka tradisi di hajahudian. Sian ulaonnai nunga botohon hapistaran nasida tu ruhut-ruhut aturan hajahudion dohot angka patik na dipatupa si Musa. Alani i botoonta do ndada sian maksud na denggan haroro ni sungkun-sungkun i alai tung sian roha na jahat do.

Tung malo do Jesus madodo roha nasida, laos dipabalik Jesus do muse sungkun-sungkun i, didok Jesus ma :”Ai aha dipatikhon si Musa tu hamu?  Gabe dialusi nasida ma sungkun-sungkun nasida i hombar tu patik ni si Musa, jala boi berengonta i di 5 Musa 24:1, inti na tarsurat disi ima : boi do masa parsirangon molo adong tihasna (bhs.indonesia/LAI didok tidak senonoh, alai bhs.Indonesia/BIS diterjemahon hata tihas = memalukan). Alai dipatorang Jesus ma muse taringot tusi, ai ndada dipatupa si Musa i dionjar roha na denggan alai dibagasan tekanan do si Musa disi. Ai didok Jesus do, boasa ingkon dibahen si Musa aturan si-songon i? Jempek do alus ni Jesus taringot tusi : Ala ni tangkang ni rohamuna do i”. lapatanna ndada Debata na manghalomohon i, holan alani papuashon (nafsu) hagiot ni roha nasida  do na jolo i. Natape adong hata ni Debata tu si Adam : marpinompari ma hamu asa sopar hamu….”( 1 Musa 1:28), ai ndada mandok disi asa boi godang dongan saripena? Di tingki si Abram marjolmahon si Hagar, ndada na sinuru ni Debata i alai na sinuru si Sara do i.

2.             Ay.4 – 9   : Didok Jesus ma tu nasida taringot patik na dibahen si Musa ndada ala ni dionjar las ni roha si Musa mambahen i,  alai sian na terpaksa do ibana patupaon i. Taboto do di adat ni halak Jahudi, tung so adong do hagogoon ni pihak parompuan. Ido alana sai merasa “di atas angin” do angka baoa nang pe marsala ibana, manang olo do baoa na so denggan alai jotjotan hasalaan tu angka parompuan. Marlomo-lomo do baoa pasiranghon dongan saripena, alani dipatorang Jesus do songon dia do sintong ni patik naimbaru di parsaripeon ni jolma i.  Gabe dipaingot Jesus ma muse taringot tu konsep panompaon ni jolma i. Dung ditompa Debata ma jolma i (baoa dohot boruboru) gabe sada daging, ditadinghon baoa ido amana dohot inana, suang songoni boruboru i ditadinghon do amana dohot inana laho pajongjonghon sada parumahtanggaan. (patudos tu 1 Musa 2 : 23 – 24). Alani molo nunga dipasada Debata, ndang adong be hagogoon ni jolma i laho mambahen asa sirang (Markus 10:9). Ido umbahen prinsip pardongansaripeon halak Kristen ima monogami ndada poligami apalagi poliandri. Prinsip monogami ima holan na sada ido, ndada songon na didok jolma di partingkian sinuaeng on : sada do dongan saripe niba alai na asing i holan “pangalambungina” ima na digoari di jaman nuaeng on : PIL (pria idaman lain) manang WIL (wanita idaman lain). Molo pe adong diktum na mandok : masa do sirang molo parmainanon (zinah) (Matius 19:9) ndada maksudna disi songon izin asa sirang alai UHUM do i tu na mangulaon parmainanon i. Lapatanna ingkon dipertanggungjawab on be do angka pangalaho na niula na di jolo ni Debata. Alani ingkon tajaga be ma habadiaon rumahtangga i. Ai rumah tangga (hubungan suami-istri) ima gombaran hubungan jolma dohot Debata, BADIA = Homi/Kudus.

3.             Ay.10 – 12              : dipatangkas sisean i ma muse Jesus taringot songon dia do posisi ni halak na mambuat na sirang i manang marbagas muse angka naung sirang i. Tangkas do didok Jesus nunga rumar i jala ndada boi sipadomuon i tu angka habadiaon. Ra, hea do tabege hata ni Jesus na mandok :Ndang adong na mandungkaphon abit naimbaru tu abit naung mumut, ai ribakhonon ni na nidungkaphon ido dirina sian pandungkapanna i, jadi lam tu ruakna ma na maribak i; ndang dipainding jolma tuak anggur siraruan tu poting naung buruk, aik mapultak poting i gabe bolong tuak i, laos sega dohot ingananna….”(Matius 9:16-17). Ndada adong di alkitab molo sirang alani hamatean boi muse mardongan saripe??? Apalagi marsaripe dohot angka naung sirang mangolu. Di hakristenon satu untuk selamanya, molo pe masa parsirangon alani ni hamatean, dao dumenggan dijaga ma habadiaonna sahat tu na pajumpang muse dohot dongan saripena di Surgo inganan situjuon i. Persoalanna jotjot do jolma tarlumobi baoa ndang mampu molo ditadinghon sahalakna diportibi on manjalahi angka ngolu na muse dung sirang sian dongan saripena. Ido alana di RPP HKBP gabe dipaloas ma muse marsaripe molo nunga sirang alani hamatean.  

4.             Ay.13 – 16              : Molo ayat on boi do putikhonta sian on piga-piga ondolan ima : arga ni dakdanak di rumahtangga, jala boi do muse taringot gombaran songon dia pangisi ni Harajaon ni Debata. Siala udut ni turpuk na diginjang nangkin on taringot tu Keluarga tontu diarahon do ayat on songon dia manjamothon angka dakdanak di tonga-tonga keluarga. Unang alani metmet nasida jala ndang godang dope boi bahenon nasida gabe songon kelas dua manang kelas  kesekian nasida di tonga-tonga rumahtangga. Hape didok Jesus do : Parsidohot do angka dakdanak i dibagasan Harajaon ni Debata.  Dakdanak pe ringkot manjalo pasupasu sian Debata, alani unang paneanghu rohanta tu dakdanak, unang gintali hamu. Ai di gareja pe jotjot do dakdanak i ndang pola masuk etongan. Tabereng ma di panghobasion tu dakdanak di gareja HKBP manang didia ndada hea sarupa tu hinauli dohot hataboon parmingguon tu na magodang. Di rumahtangga pe masa do songon i  hira na so masuk etongan do angka dakdanak i. Dakdanak ima arta na arga dipasahat Debata tu ganup keluarga. Ai molo so adong dakdanak olo do hambar angka parumatanggaan i. Jala di harajaon ni Debata pe tung songon pangalaho dakdanak on do dihalomohon ni Debata ima na marroha bulus, tulus, jala dao dope sian angka dosa.

Sipahusorhusoron

1.      Mansai ampit (relevan) do turpuk on di kondisi masyarakat dohot di kondisi parumahtangaan halak kristen nuaeng on. Lembaga rumah tangga ni halak Kristen mengalami guncangan ibarat gelombang tsunami. Tidak heran sudah banyak kasus perceraian,  bahkan  nunga godang na masa : kumpul kebo (samen leven), gonta-ganti dohot free sex. Naumborat nuaeng on ima berengon do rumah tangga na awet keluarga i hape nunga pisah ranjang, pisah meja makan, pisah merawat anak-anak. Alani andorang so marumah tangga sapasang dolidoli dohot na marbaju manang angka ianakhonta pe tung taargaon ma mamemehon songon dia do lapatan ni rumah tangga halak Kristen. Nda tung holan asa marpinompari hita on gabe marumahtangga be, manang ala nunga cukup umur. Ingkon do sahat pangantusion rumah tangga ima hataridaan hubungan na khusus Debata dohot hita jolma, jala sian rumahtangga ido embrio Harajaon ni Debata tu ari sogot.

Taharinggashon ma pelayanan tu keluarga songon inti huria, inti bangso dohot negara tarlumobi manjamothon angka dakdanak songon penerus gereja dohot penerus keluarga na dihalomohon Debata. Amen                                                                                                                                                                                        

2 Timotius 2 : 19 – 20

2 Timotius 2 : 19 – 20

“alai na hot do haojahan na sian Debata. Hata on ma sahapna; ditanda Tuhan ido angka na di Ibana dohot sirang ma sian hageduhon nasa na mandok goar ni Tuhan i. Ala ndada holan ulaula sere dohot perak dapot dibagasan bagas na bolon dohot ma ulaula hau dohot tano, na deba tu ulaon hasangapon na deba tu haleaon”

“Tetapi dasar yang diletakkan Allah itu teguh dan meterainya ialah : Tuhan mengenal siapa kepunyaanNya dan setiap orang yang menyebut nama Tuhan hendaklah meninggalkan kejahatan. Dalam rumah yang besar bukan hanya terdapat perabot dari emas dan perak, melainkan juga dari kayu dan tanah , yang pertama dipakai untuk maksud yang mulia dan yang terakhir untuk maksud yang kurang mulia”.

Hamu angka dongan!

Ra hea do tabege istilah “merek menentukkan kualitasna”. Molo tatuhor angka barang isarani mobil/tas/sipatu naung puna merek terkenal alai na asli ma unang na palsu (siala nunga godang barang na palsu manang didok KW na mambuat merek na terkenal i) tontu argana pe dos songon merekna i. Ai ndang sembarangan angka na memproduksi barang na bermerek terkenal alai kualitasna danga-danga (kualitas asal jadi) sahali dua hali dipake nunga pintor sega. Siala boi do menegai reputasi label manang merek ni barang i.

Tabahen ma jolo contoh : tas (siala jotjot nama angka ina mamake tas) merek aha tahe na humjago? D & G ra, ala ahu pe hurang binoto taringot tu tas on? Na pasti angka na mamake tas on pe pasti pede, jala percaya diri. Songoni do angka barang elektronika isarani HP molo mamake merk BB nuaeng on nunga disi kualitasna jala na mamake pe  percaya dirina timbo.

Songoni do taringot tu ngolu on : merek manang lebel aha do naung tapake di ngolunta? Apakah masih merek Anak haholomon manang nunga anak hatiuron hita on?

Hita na targoar halak Kristen nunga be diampehon tu hita merek na arga, ndada be MADE IN haholomon hita, manang MADE IN SIBOLIS alai nunga MADE IN hatiuron (anak-anak terang). Songon didok di Efesus 5 : 8 “Ai na holom do hamu na jolo, alai tiur do anggo nuaeng dibagasan Tuhan i, marparange ma hamu songon angka anak hatiuron”. Molo nunga MADE IN JESUS hita ingkon munsat do hita sian angka hageduhon/haholomon i bongot tu ngolu hadengannon dohot hatiuron.

Hamu angka dongan

Nunga godang halak Kristen na Marlabel Made ini Jesus alai anggo pangalaho dao do sian merek i. Lapatanna : ndang sadalan be merek i tu kualitas ni ngolu siganup ari. Sai mian dope tongtong dibagasan hageduhon (roha na jahat) dibagasan haholomon i. Na maol molo disungkun : Agama apa? Barani do mangalusi Kristen = siihuthon ni Kristus ???. On ma digoari berLABEL KRISTUS alai anggo mutu na ndang KRISTUS be.  Ido umbahen adong do hea hata ni Jesus mandok : “Ndada saluhut halak na mandok Ahu Tuhanna bongot sogot tu Harajaon banua ginjang i, holan angka na mangulahon lomo ni roha ni Damang na di banua ginjang ido” (Matius 7 : 21).  Unang ma hita merasa cukup nyaman songon halak Kristen hape anggo di angka parulaon dao dope sian hakristenon i. Kristen na marlapatan siihuthon ni Kristus tontu ingkon taihuthon do manang aha na diajarhon Jesus, manang aha naung dipatupa Jesus di ngoluNa. Toho do nian ndang boi dope hita songon Kristus i alai na ummotikna ndada be hita sai mian dibagasan haholomon i. Ai nunga dipaunsat hita sian haholomon i asa tinggal/mian dibagasan hatiuron i. Alani sai berusaha do hita gabe jolma na tandi (na berbeda) sian angka jolma na adong diportibi on.  “Unang ma gabe sarombang hamu dohot portibi on, alai gabe imbaru ma hamu, dung muba pingkiran muna, asa tau hamu manimbangi lomo ni roha ni Debata, ima na uli na hinalashonna dohot na sun denggan” (Roma 12 : 2). Songon didok dibagasan turpuk on :”sirang ma sian hageduhon nasa na mandok goar ni Tuhan i” (2 Timotius 2:19).

Hamu angka dongan !

Dipahombar do songon dia do pangalaho angka jolma na dibagasan hatiuron dohot haholomon i (hageduhon); sere dohot perak ima tu ulaon hasangapon alai hau dohot tano tu ulaon haleaon. Dison unang ma tatafsir secara harafiah alai adong do maksudna disi ima molo sere dohot perak sai ditabunihon do i denggan, jala sipata sai dipatuduhon tu angka halak paboahon haulion jala arga barang i. Anggo hau dohot tano ima gombaran na hatop sega, rotak dohot angka na asing. Songoni do pangalaho ni jolma i; molo jolma na arga/na uli songon perak dohot sere i ima jolma na marmulia, alai pangalaho ni jolma na lea dipatudos songon tano dohot hau na sai hatop sega/hancur jala sidege-degean ni jolma.

Molo sai tabandinghon na adong diportibion boi do tubu sungkun-sungkun di rohanta: boasa ma halak parjahat na dibagasan hageduhon berengon sangap/marmulia, isarani angka koruptor?? Hape jolma sai mangulaon na tingkos/ na sintong biasa-biasa ngoluna?? Tutu do i, sai marasing do pilihan ni portibi on sian pilihan ni Debata. Anggo portibi on sai umlomo do rohana tu angka na geduk, alai anggo Debata tung tangkas do hapolinon i. Jala porsea ma hita, ndada leleng angka hageduhon i. Songon didok buku parjamita : saluhutna martingki do. Adong do peribahasa na mandok : harimau mati meninggalkan belang, gajah mati meninggalkan gading, manusia mati meninggalkan nama baik. Molo angka na jahat (na geduk) ingkon songon orbuk do i, laos diombushon ndang disi be. Alani tapallit ma di ngolunta songon punguan ina Hanna hita? Manongtong dibagasan jolma hatiuron i (totalitas disi) manang holan satonga-satonga, jala manang sama sekali ndang olo hita munsat tu hatiuron alai sai manongtong dibagasan haholomon i??? Taalusi ma dibagasan rohanta be. AMEN

Gotilon

SILUA

"Persembahkanlah syukur sebagai korban kepada Allah dan bayarlah nazarmu kepada Yang Mahatinggi"“

(Mazmur  50:14)

Apa sih Pesta Gotilon? Pertanyaan yang sederhana namun cukup sulit untuk memahaminya. Menurut Kamus Batak Toba Indonesia, gotilon berarti musim menuai atau masa panen. Gotilon diadopsi dari tradisi Jahudi akan Pesta Hari Raya Pondok Daun atau Pesta hari pengumpulan hasil panen (bnd. Keluaran 23 : 16 – 17; Imamat 23 : 33 – 36; Ulangan 16 : 13 - 15 ). Pesta ini dimaknai sebagai ungkapan syukur atas berkat dan kasih karunia Tuhan yang senantiasa memelihara kehidupan umat-Nya. Pada acara ini salah satu unsur yang penting untuk dilaksanakan adalah dengan membawa Persembahan (Silua) berupa hasil panen pertama (buah sulung) dari hasil pekerjaan yang dilakukan. Persembahan itu dibawa ke dalam pelataran Bait Allah sebagai pertanda kehadiran Allah di dunia. Persembahan yang dikumpulkan akan dipergunakan bagi suku Lewi sebagai suku yang dikhususkan untuk melayani Tuhan, dan juga dipergunakan untuk pelayanan kepada orang-orang marjinal (miskin) seperti : budak, para janda/duda serta yatim piatu.

Dasar teologis membawa persembahan (silua) kehadapan Allah adalah mengingat Umat Israel yang berada di situasi yang penuh penderitaan dan kelaparan karena diperbudak di Mesir. Akhirnya Allah bertindak untuk menyelamatkan mereka dan membawa ke tanah perjanjian yang penuh dengan susu, madu, tanah yang subur. “Apabila engkau telah masuk ke negeri yang diberikan Tuhan Allahmu kepadamu menjadi milik pusakamu, dan engkau telah mendudukinya dan diam di sana. Maka haruslah engkau membawa hasil pertama dari bumi yang telah kaukumpulkan dari tanahmu yang diberikan kepadamu oleh Tuhan Allahmu, dan haruslah engkau menaruhnya dalam bakul, kemudian pergi ke tempat yang akan dipilih Tuhan Allahmu untuk membuat namaNya diam di sana”. (Ulangan 26 : 1 – 2).

Tradisi pesta Gotilon Huria yang dilaksanakan oleh Gereja HKBP adalah kesadaran akan berbagai pemberian yang baik dan anugerah yang sempurna semata-mata bersumber dari Tuhan. Tuhan  memberkati manusia senantiasa walaupun pemberontakkan terus ada di dalam hidup kita. Tuhan tidak pernah menghambati akan berkat yang dicurahkan bagi manusia, cahaya sinar pagi di ufuk timur, hujan dan panas yang silih berganti dan banyak lagi. Dengan dasar itulah kita disadarkan untuk memberikan yang terbaik kepada Tuhan. Di dalam iman Kristen, persembahan tidak harus dimaknai sebuah kewajiban, sebab berkonotasi tuntutan legal. Artinya bila dilakukan atau tidak dilakukan akan berdampak yang baik dan yang tidak baik. Justru Sebaliknya, persembahan lebih merupakan wujud/ekspresi dari hati yang bersyukur atas kasih Allah yang melimpah. Dengan kata lain, kita memberi karena Allah sudah terlebih dahulu memberi kepada kita. Segala yang kita miliki menjadi cerminan untuk memberi ; baik nafas hidup, kesehatan dan rejeki.

Adapun yang kita bawa kepada Tuhan sebagai persembahan (Silua) tidak lagi melulu hasil panen dari tanah  sebagai mana persembahan jaman dahulu yang hidup sebagai masyarakat agraris (pertanian). Di masa kini telah terjadi pergeseran demografi (tempat) dan wilayah pekerjaan, dari desa menjadi semi kota dan dari semi kota menjadi kota besar (modern). Mereka tidak lagi bersandar pada pertanian atau perkebunan melainkan bergeser pada dunia jasa dan industri. Itu sebabnya persembahan (Silua) tidak lagi berfokuskan hasil pertanian dan perkebunan tapi telah berubah dengan mempersembahkan benda/barang (parsel) atau uang. Umumnya masyarakat di perkotaan mempersembahkan uang sebagai Silua Pada puncak acara gotilon uang itu dibawa di atas piring atau dilekatkan di bambu- bambu layaknya seperti pohon yang berdaun uang.  

            Pesta Gotilon merupakan kesempatan yang baik bagi setiap warga jemaat untuk menyatakan rasa syukur atas berkat yang diterima dari Tuhan.  Dalam tradisi Batak, Silua atau persembahan dilakukan dengan menganut falsafah hidup “Lebih baik memberi daripada menerima”. Itu sebabnya di orang Batak dulu sangat terpelihara budaya “Marsiadap ari” saling membantu tanpa harus menerima imbalan atau upah. Tuhan telah memberikan hari (waktu), matahari, hujan dan segalanya untuk menjadikan segala sesuatu sesuai dengan kehendakNya. Tuhan juga memberikan kemampuan/talenta bagi manusia untuk memenuhi segala kehidupannya walaupun pada akhirnya Tuhan-lah yang menjadikanNya sesuai dengan Nyanyian BE.No.373 : 1 “Mangula hita jolma”

Mangula hita jolma, manabur boni i, alai anggo jadina di Debata do i

Dilehon las ni ari, nang nambur udan pe, tongtong di panumpakna marguru sasude

Nasa uli basa ro sian Debata, ipe Ibana puji ma, huhut haposi da.

            Marilah kita berlomba-lomba untuk melakukan yang baik dengan memberikan Silua/persembahan tanpa dengan sungut-sungut namun dengan penuh sukacita sebagai tanda syukur kita kepada Tuhan. Dan berikanlah yang terbaik serta yang paling berharga kepada Tuhan seperti nyanyian terakhir ibadah minggu : Tuhan karuniaMu, Roh dan Jiwaku semua; Nyawa juga hidupku, harta milikku semua; kuserahkan padaMu, untuk selama-lamanya. Amen                                                                                                   (h2pb2)

           

Poda 10 : 20 – 21

“Tudoshon perak na pita do dila ni partigor, alai anggo roha ni halak parjahat, ndang hanopan. Bibir ni partigor marmahan torop halak, alai anggo halak na otoi haotoon ni rohana do di hamatehon”

“Lidah orang benar seperti perak pilihan, tetapi pikiran orang fasik sedikit nilainya; bibir orang benar menggembalakan banyak orang, tetapi orang bodoh mati karena kurang akal budi”

Buku poda raja Salomo on marisihon do pangajarion na mansai arga di ngolunta siganup ari. Jotjot do didok molo halak na sai mian dibagasan pangajarion dohot poda na denggan ima halak na dapotan pasupasu, dapotan las ni roha di ngoluna, alai sebalikna do tu angka jolma na so olo manjalo poda pangajarion na denggan, ujung ni ngoluna dibagasan hangaluton dohot hapariron. Doshon do i songon pandohan di hita halak Batak : iju diparapara otang di parlabian, na bisuk na puna hata na oto tu panggadisan.

Laho mananda sahalak jolma di ngolu on ndada cukup marhite Bio Data manang curriculum vitae  na manang goarna; ai boi do marhite bio data i di manipulasi/ditukang-tukangi. Alai laho mananda hita jolma tung tangkas do boi berengon i sian panghataionna dohot angka parulaonna. Ai panghataion dohot parulaon ndada boi i terjadi dibagasan sangombas i lapatanna ndang boi dipermak-permak/didompol-dompol satongkin, isarani rupani molo sahalak na jahat pintor muba gabe na denggan dibagasan satongkin i, songon na maol do i, manang sahalak na denggan/na burju pintor gabe halak na jahat; ipe maol do i. Alani adong do proses di ngolu on na tung mansai ganjang, ima na didok Karakter, na dibentuk mulai sian dakdanak sahat tu na magodang. Molo denggan dibentuk karakterna sian hametmetonna tu tingki magodang pe i pasti do na denggan. Holan kejadian na luarbiasa do boi manimbil sian i. (songon putus asa, adong pergumulan ni ngolu na mansai borat, dohot manipulasi hajahaton di ngolu on.dna).

Di buku poda on jotjot do di parsagi jolma i tubagasan dua golongan ima jolma na denggan dohot jolma na jahat, jolma na bisuk dohot jolma na oto. Jolma na bisuk jala na denggan tarida do i marhite panghataionna (dila) songon perak na pita, alai anggo angka parjahat i holan panghataion na so tingkos/na gabeak/ ndang bermutu. Alani ido ndada maol mananda jolma on diportibi on cukup taparateatehon angka panghataion na haluar sian pamanganna. Sian i pe nunga boi botoon kualitas/mutu ni jolma na manghatai i. Alani ingkon manat do hita di ngolu on? Alani nang pe ndang situhuron hata alai ingkon jamot jala jaga hita asa hata na haluar sian pamanganta ima hata na bermutu, unang ma hata na so bermutu jala bermanfaat. Di sada ende pe didok do : memang lidah tak bertulang, tak terbatas kata-kata…… siala ndang situhoran hata-hata jadi boi do lomo-lomo ni jolma mandok manang aha. Di hata Indonesia didok : Mulutmu adalah harimau mu.

Nunga tung godang hita manghalomohon hata na so tutu, hata sipalensem na so bermutu, isarani angka isu manang gossip (semakin digosok semakin siip). Hape lupa hita beha do panghorhonnai di ngolunta sandiri dohot di halak na umbegesa. Ai hita na mangolu on ndada holan mangonai tu dirinta dohot tu keluarganta alai boi do mangonai tu saluhut halak di tonga-tonga humaliang ni ngolunta. Andorang so haluar angka hata sian pamanganta ingkon tangkas do tapahusor-husor jala disortir denggan. Molo nunga haluar sian pamanganta ndang tarbahen hita muse mambuat mulak muse i tu pamanganta.

Dila ima sumber panghataion. Sian dila ido boi  haluar pasupasu jala laos sian dila na sarupa ido haluar angka torutoru (kutukan). Alani tung mansai jamot do laho mamake ‘dila’ di ngolu on. Didok angka na pistar : dila i tumajom do sian pisau, Ai marhite ‘dila’ na sai patubu-tubu hata manang mangalap dohot manaruhon hata ; boi do marpanghorhon angka hansit ni roha (maneat ate-ate). Ido umbahen di hita halak Batak tu tangkas do didok :”bibir lingga, bibir partali-tali, halak siginjang dila, unang pinatangitangi”. Par-Psalmen pe mandok taringot tu ‘dila’ on ima : hamagoan do ditahitahi dilam, ho ale siulahon sipaototo, sobokhon raut parnabung” (Psalmen 52:4). Alani didok sahalak naposo ni Debata (sisean) ingkon dila na digohi angka hata pasupasu ma manang angka hata na denggan. Mardila sisean ima  na olo pasahathon Hata ni Debata na jinalona laho mangurupi halak na maheu, na gabe aek tabar tu angka na mauas, mangalehon hamalumon tu angka na marsahit, mangalehon las ni roha tu angka na marsak, mangalehon semangat ni ngolu tu angka naung mandele.  Naeng dohonon disi ia ‘dila’ naposo ni Debata manang sisean ni Tuhan i ingkon “dila na berwibawa : berbobot jala bermutu”. Tung marasing situtu  do molo dila angka parjahat ima na sai mambahen halak mandele, dohot patah semangat.

Adong do saran na bijak sian angka na maol ima istilah 3 B andorang pasahaton angka hata di ngolu on, ima : Benarkah (sintong do manang na so sintong barita i), Baikkah (lapatanna baik do molo dipasahat manang denggan do sipasahaton manang ndang. Ai adong do hata na so polo sidohonon nang pe denggan i. isarani : adong sahalak na marsahit posi, molo sian medis ndang sadia leleng nai umurna, alai ndang pola sidohonon i asa unang laos mandele ibana,  Berguna/bermanfaat, lapatanna : adong do hata i na so bermanfaat di ngolu on sama sekali, isarani rupani manghatai halak na asing.

Tarlumobi hita di angka ina nuaeng on, asa jamot manat hita di ngolu on. Godang do nuaeng on cap/label dibahen tu ina manang parompuan na so denggan ima na sai lomo rohana patubu-tubu hata, margosip. Godang ulaon na marpanghorhon na denggan, na bermanfaat di ngolunta sian angka na patubu-tubu hata; mangalap dohot manaruhon hata. Hape nunga tung godang na ditambahi jala diorui sian hata i. Ingot ma nda leleng jolma sisongon i, diparjolonai boi do godang dongan laho manangi-nangihon alai lam leleng lam bosan do jolma. Jala naumborat laos boi do hita muse dihata i halak na asing i. Alani tabahen ma hita harga di ngolunta dohot harga di jolo ni jolma tarlumobi harga di jolo ni Debata. Amen