Johannes 5 : 1 – 10

Hasatiaon parohon las ni roha

Ragam do di ngolu on angka sipaimahonta. Ido umbahen sai didok Hidup adalah penantian. Angka parsikola paimahon lulus sian parsikolaanna, angka na mangalului karejo paimahon andingan dialusi lamaranna, angka naposo naung tobang paimahon andingan ro rongkapna, angka natuatua paimahon andingan ro pahompu, angka na marsahit paimahon andingan ro hamalumno sian parsahitonna, dohot angka naung matua (lansia) paimahon andingan ro Tuhan i mangalap nasida, dohot angka na asing dope.

Dibagasan paimahon ido jotjot na gabe tubu parsaolan. Adong do na dibagasan paimahon i gabe mandele alani so adong dope alusna. Laos dilului ma angka dalan songon dia pe taho asal ma dapot alus tusi. Dipangke ma cara-cara na so denggan na maralo tu Tuhan i, isarani : laho mangalului angka jimat, laho tu datu dohot angka na asing.  Alai adong do jolma na sai bertahan  na paima-imahon di sihirimon ni rohana.

Songoni do na masa dibagasan turpuk on. Adong ma sahalak na marsahit di Jerusalem di lambung ni harbangan birubiru paradian Betesda. Pola didok 38 taon paimaimahon hamalumon sian parsahitonna. Boasa songoni lelengna ibana paimahon? Siala tung godang do di paradian i jolma na marsahit na sarupa paimahon hamalumon. Hape adong do persyaratan di kolam i, ima angka na parjolo manimbung di tingki hagugunsang aek ido asa malum. Mungkin umborat do ra sahit ni naung 38 taon sai paimahon hamalumon i. Ganup gunsang aek i nunga parjolo jolma na asing manimbung tu bagasan. Jala ndang adong muse na mangurupi ibana.

       Alai na mansai menarik marhite turpuk on ima hasatiaon na marsahithon i, pola didok 38 taon ibana hot di inganan i. Apakah dia orang bodoh? Sipata olo do jolma di partingkian si nuaeng on molo dibereng  hira na adong alus di angka tangiangna gabe didok ma , ai oto ma ho sai martangiang hape so adong alus? Ido umbahen sai godang jolma mandele laos mangalului dalan na asing. Hape ndada na oto na marsahit on. Dihasatiaonna na paimaimahon hamamalum i gabe ro Jesus mangalehon dalan haluar. Ditopot Jesus ma na marsahit i gabe disungkun Jesus ma ibana :”Naeng malum ho”? Laos didok ibana songon dia pangalaho ni jolma di tingki na so adong na marpanarihon di ngoluna. Alani dipamalum Jesus ma na marsahit holan marhite sangkababa hata.

Di godang ni angka persoalan di ngolu on gabe jotjot jolma dibagasan roha na apatis, na lam mago haporseaon. Molo pe godang halak kristen alai olo nama rutinitas sambing. Asa ndang pola tarida didok angka jolma na so porsea be. Boasa gabe didok songoni? Siala nang pe kristen alai sai tubu dope angka ganggu ni roha. Ganggu naung dipalua Jesus ngolunta! Ganggu nang anak ni Debata hita? Ganggu di pangaramotionna di ngolunta!. Hape tangkas do didok ingkon porsea do hamu di ahu ninna Jesus.  Haporseaon na didok dison ingkon na unduk, satia, jala mangihuthon teladan ni Jesus. Ido umbahen didok si Abraham Bapa orang Beriman. Ala Naparjolo, haunduhonna mangoloi parsuru ni Debata asa manadinghon hutana nang pe so diboto inganan sidapothonna. Paduahon, parsaoranna na rosu dohot Debata. Patoluhon, pos rohana tu Debata nang tu janji ni Debata, jala rade do ibana laho pasahathon si-Ishak gabe pelean tu Debata.