Roha na mangalului hasurungan
sian angka dongan na asing, nunga hira gabe bangko i di parngoluon on. Ragam do
angka cara dibahen jolma asa anggiat boi marhasurungan sian angka donganna.
Jala molo balikna do na masa, gabe sumurung halak na asing, na boi do i gabe patubu
pangiburuon sahat tu na manghosomi. Di habatahon rupani,
marsiadu do jolma mampareahi hasangapon siangkup ni hagabeon dohot hamoraon, na
tolu hadirion on ma na gabe sintasinta na tumimbo di halak Batak. Asa ido umbahen gabe adong tubu pandohan
ni halak Batak na mandok : “ Simbora gukguk duldul otik, mamora hita luhut alai
sumurung au otik “. Ingkon ibana do sumurung sian donganna
asa sonang rohana. Ido umbahen sai masa do di parngoluon ni jolma, tamba harta
ni dongan gabe hita na marsahit.
Tontu ingkon
marasing do i molo nunga gabe halak Kristen hita. Ai ndada hasangapon i na
rumingkot di ngolu on, alai patutoru roha dohot diri do na rumingkot di ngolu
on. Ai dia do alasanna umbahen ingkon marginjang ni roha jolma i di ngolu on?
Nang harta manang jabatan na dilului i di ngolu on alai Debata do na paloashon
i asa boi pangkeonta, boi gabe tapergunaon sadenggan-dengganna di ngolu on. Jala
ingkon ingontonta do ai ndada boi manontong i di pardalanan ngolu on. Di tingki
na be boi do suda i, jala mago songon alogo i.
Roha na mangalului angka
hasurungan na boi do i patubu angka : late, hosom dohot parsalisian. Na boi
sega do angka punguan, lembaga manang organisasi hinorhon ni na mangalului
masihasurungan manang marsigulut di hasangapon. Ringkot do nang
hita hita manaluhon roha diri dohot manaluhon roha na mangarajumi sumurung sian
dongan. Tarjou do nang hita saluhutna asa gabe nasumangap marhite na manaluhon
roha diri jala sian toruk ni roha tarajumi dongan jolma sumurung sian dirinta
(bd. Filp. 2:3). Molo naeng
sumurung jala na parjolo pareahi ma dalan na tingkos jala sintong. Ndada
marhite na mangarajai dongan, ndada gabe sihobasan.
Molo dipaloas
Debata hita marnampuna hasangapon, hamoraon dohot na asing i dope ima dalan
laho patuduhon tanggungjawab melayani (manghobasi) Debata dohot jolma di
portibi on. Songon didok angka na bisuk, molo pistar iba ima kesempatan asa
manogu-nogu jolma na oto, molo adong jabatan di ngolu niba ima kesempatan asa
mangurupi jolma na ginosagosa. Alani ido molo lam timbo pangkat manang jabatan
di hita lam balga do tanggungjawabta, molo lam godang hartata lam balga do
tanggungjawab sidabu-dabuonta di ngolu on.
Songon ido na pinatuduhon Jesus di ngoluNa tu hita. Tuhan do ibana alai
olo do ibana gabe songon hatoban laho mamuri pat ni angka siseanNa.
Songon sintongna siihuthon Jesus
hita, ingkon nirajuman ma diriniba "hatoban". Saleleng so
pangarajumion paboa na hatoban ni Kristus hita, saleleng ima mian jala songgop
ginjang ni roha, ndang dao sian haserepon. Jala taingot ma tongtong paboa nunga
diulahon Jesus si songoni jumolo, ido umbahen didok Ibana, "Ai nang Anak
ni jolma i pe, ndada asa dioloi halak Ibana, umbahen na ro; Ibana do balik
pangoloi jala mangalehon hosana bahen tobus ni torop jolma".
Pajongjong parsaoran (hubungan baik) i ma sada ulaon na
ingkon turus patupaonta songon hataridaan ni siihuthon Jesus hita. Molo sega
parsaoran dihorhon i do panghilalaan na humurang, jala dao hita sian las ni
roha. Parsaoran na tapajongjong ingkon saurdot do tu Debata nang tu dongan
jolma. Di turpuk on ditaringoti apostel Paulus
do cara manang dalan laho pajongjong parsaoran. dohot paralealeon tu dongan. Di bagasan hata na mansai uli didok ibana ma naeng ma saroha hita di
bagasan Kristus jala tarida mai marhite “sada ma haholonganmuna; saroha,
sapingkiran ma hamu!” (Fil 2:2). Ingkon gabe halak na marsaor do hita jala
angka na saroha. Tapatupa i ala naung jumolo Kristus manghaholongi hita.
Salah satu
tanda siihuthon Kristus, tarida sian mengutamahon na ringkot di dongan jolma
sian na ringkot di dirina (bd. Filp 2:4). Tarjou do hita manongtong mangulahon
i. Ganup ari dohot ganup tingki tarjou do hita manarihon na ringkot di dongan.
Kebutuhan anak-anak kita, orang sakit, miskin dan tak terperhatikan manjou hita
asa haruar sian roha diri (keegoisan) huhut manatap tu Kristus. Ganup tingki
ingkon bergumul do hita manaluhon roha diri (keegoisan) dohot manaluhon roha na
mangarajumi sumurung diriniba sian dongan. Ganup ari tarjou do hita gabe
nasumangap dohot na parjolo (lebih utama) marhite na manaluhon roha diri
(keegoisan) jala sian toruk ni roha tarajumi dongan jolma sumurung sian
diriniba (bd. Filp. 2:3).
Setiap
saat kita dipanggil untuk menjadi kehadiran Yesus bagi orang lain. Melayani
orang yang kita hargai, ingini, kenal baik ataupun bisa membalas budi pastilah
menyenangkan. Namun bagaimana kalau tidak? Justru melayani orang yang tidak
bisa membalas budi baik kita, yang tidak dianggap berharga untuk dilayani,
merupakan jalan menjadi yang terbesar. Inilah yang dimaksud oleh Tuhan Yesus
dengan mengatakan : "Barangsiapa menyambut seorang anak seperti ini dalam
nama-Ku, ia menyambut Aku. Dan barangsiapa menyambut Aku, bukan Aku yang
disambutnya, tetapi Dia yang mengutus Aku."
Molo naeng sumurung jala na
parjolo (lebih utama), pillit ma cara na tingkos jala sintong. Ndada marhite na
mangarajai (menguasai) dongan, ndada gabe sihobasan (dilayani), ndada marhite gabus
dohot manipulasi alai marhite na gabe pangoloi dohot naposo/parhobas di dongan.
Melayani pertama-tama berarti menempatkan sesama sebagai orang yang harus kita
perhatikan, kita bantu, seperti ketika kita menyambut anak kecil. Yesus
mengajak murid-murid-Nya di sepanjang zaman dan konteks untuk menjadi yang
terbesar. Caranya, dengan menjadi yang terkecil. Menjadi pelayan bagi sesama.
Menjadi pelayan dan menjadi kecil, serta mengambil tempat yang rendah adalah
perbuatan besar yang akan menjadikan orang yang melakukannya terbesar di dalam
keluarga Allah. Amen
Tidak ada komentar:
Posting Komentar