Habisuhon na sian
Debata
Ijuk diparapara hotang diparlabian, na bisuk nampuna
hata, na oto tu pangadisan. Ima
songon umpasa ni halak Batak na marlapatan angka na bisuk do na mangatur, na
gabe partogi; jala angka na oto do na gabe siangkalan. Alani tung mansai
ringkot do habisuhon di pardalanan ngolu on. Angka halak na bisuk do na boi survive
(bertahan) di ngolu on, na boi mangalului dalan molo masa hasusaan di ngoluna.
Ndang gabe halak na maoto, na marnida di jolo ni ngoluna holan dalan buntu.
Ndada songoni halak na bisuk.
Siala
ringkot ni habisuhon (hapistaran, roha pangantusion) di ngolu on sai berusaha
do jolma mangalului asa jumpangan ibana di habisuhon i. Adong ma marsikola
satimbo-timbona, marsiajar sian angka buku, mangalului tu torop ni angka
inganan sahat tu ujung ni portibi on. Sarupa songon didok Muhammad (na
pajongjonghon ugamo Silom) na mandok : Carilah Ilmu sampai ke negeri Cina”. Alai
habisuhon na diparsiajari dohot na niluluon diportibion ima na digoari
Habisuhon portibi. Nian adong do denggan dohot hurang denggan na habisuhon
portibi on. Molo sian sisi Positif (angka na denggan) ima gabe jolma na maju,
na malo marnida angka na masa, jala torus berkembang. Alai sian sisi negatif
(na hurang denggan) ima na boi bertindak jahat tu angka jolma na asing, mangoto-otoi
tu angka na oto. Contoh : na masa songon di angka halak partiga-tiga, sai didok
do na denggan ma barang sigadisonna, bermutu hape holan dipake sahali dua hali
nunga sega. Hape ditingki andorang dituhor barang sigadison i dibahen do
catatan :BARANG YANG SUDAH DIBELI TIDAK BOLEH DITUKAR KEMBALI.
Ringkot
do ndada holan mangalului habisuhon portibi, alai dohot do mangalului habisuhon
na sian Debata. Dia do bedana habisuhon portion dohot habisuhon na sian
Debata??? Naparjolo, Habisuhon
nasian Debata ima na sai tongtong
mamparnghorhon (berdampak) baik /positif tu saluhut jolma. Habisuhon na sian
Debata ima laho manirang angka na denggan dohot na roa, na sintong dohot na
jahat. Ido na masa di tingki Salomo mangido habisuhon na sian Debata. Gabe
diboto si Salomo do ise natoras anak na mangolu i di dua halak ina na
marsigulut tu posoposo i. Napaduahon, habisuhon na sian Debata mambahen
ngolunta asa lam tu solhot na tu Debata (hidup kita semakin menyerupai Tuhan).
Habisuhon na sian Debata mangajari hita asa marparange hombar tu lomo ni roha
ni Debata. Ndada holan na mangalului untung (pangomoan), ndada mangalului
hasangapon, alai gabe sarupa ma songon pangalaho ni Kristus ima Na serep roha,
na manghobasi (melayani), na mamelehon ngoluna asa malua jolma na asing i.
Songon dia ma asa dapotan Habisuhon
(hikmat) na sian Debata hita? Habisuhon na sian Debata ndada jumpangta
mangalului tu inganan na asing, apalagi mangalului tu negeri ni halak. Alai
habisuhon ima na ingkon tapangido do i sian Debata. Songon tangiang ni Salomo
tu Debata :”Dibahen i sai lehon ma tu ahu
hapistaran dohot parbinotoan, asa huboto marmeang muli songon na tama diadopan
ni bangso on; ai tung ise ma na tuk manguhum bangsoMon na sai balga i” (I
Kronika 2:10). Napaduahon, habisuhon na sian Debata ima marharoroan sian roha na
mabiar tu Debata. Roha na mabiar marlapatan roha na unduk tu Debata, ingkon
humholong do rohanta tu Debata sian manang ise pe dohot aha pe. Molo nunga
humholong rohanta tu Debata, Debata pe pasti humholong do roha Na tu hita. Napatoluhon, habisuhon Debata ro do
sian na mangolu dibagasan Hata ni Debata. Hata ni Debata ima hahomion na
dipasahat Debata tu hita laho mangantusi lomo ni roha ni Debata. Ido alana,
Hata ni Debata didok : HataMi do sulusulu ni pathu jala hatiuron di dalanhu”
(Psalm 119:105).
Laho mangadopi angka na masa di
portibi on, jala sipata ndang diboto be nadia angka na denggan dohot nadia
angka roa? Sipata berengon di
ngolu on songon na asli hape palsu (aspal=asli tapi palsu). Jala songon didok
ende Ahmad Albar : dunia ini panggung sandiwara. Na sarupa di angka film dohot
sinetron na boi mamake marmacam bohi dohot gaya. Alani ringkot do sai talului
Habisuhon na sian Debata. Bisuk na sian Debata do boi mambahen patar di ngolu
on angka na masa di portibion. Jala bisuk na sian Debata ido na sai mangajari
hita dia ma dalan disitujuon ni ngolunta. Unang ma terjebak hita di angka
rayuan portbion na sipata berengonta uli, tabo, hape mamboan hita tu dalan
hasusaan na saleleng ni lelengna. Nang pe sipata dalan ni Debata gok angka suga
(duri), adong batu na balga, alai molo boi tadalani sudenai denggan disi ma
jumpangan las ni roha na sasintongna. Amen
Tidak ada komentar:
Posting Komentar