Rom 10 : 4 - 13
Tema
Haporseaon ima
pamusatan saluhutna ngolu
Nas
10:4 Sebab Kristus adalah kegenapan hukum
Taurat, sehingga kebenaran diperoleh tiap-tiap orang yang percaya.
10:5 Sebab Musa menulis tentang kebenaran karena
hukum Taurat: "Orang yang melakukannya, akan hidup karenanya."
10:6 Tetapi kebenaran karena iman berkata
demikian: "Jangan katakan di dalam hatimu: Siapakah akan naik ke
sorga?", yaitu: untuk membawa Yesus turun,
10:7 atau: "Siapakah akan turun ke jurang
maut?", yaitu: untuk membawa Kristus naik dari antara orang mati.
10:8 Tetapi apakah katanya? Ini: "Firman
itu dekat kepadamu, yakni di dalam mulutmu dan di dalam hatimu." Itulah
firman iman, yang kami beritakan.
10:9 Sebab jika kamu mengaku dengan mulutmu,
bahwa Yesus adalah Tuhan, dan percaya dalam hatimu, bahwa Allah telah
membangkitkan Dia dari antara orang mati, maka kamu akan diselamatkan.
10:10 Karena dengan hati orang percaya dan
dibenarkan, dan dengan mulut orang mengaku dan diselamatkan.
10:11 Karena Kitab Suci berkata: "Barangsiapa
yang percaya kepada Dia, tidak akan dipermalukan."
10:12 Sebab tidak ada perbedaan antara orang
Yahudi dan orang Yunani. Karena, Allah yang satu itu adalah Tuhan dari semua
orang, kaya bagi semua orang yang berseru kepada-Nya.
10:13 Sebab, barangsiapa yang berseru kepada nama
Tuhan, akan diselamatkan.
Patujolo
Tongon di Korint do Apostel Paulus
manurathon surat na tu Rom on di taon 58 M. Godang ahli Teologi mandok ia surat
Rom on ima songon sada surat na sinurathon Apostel Paulus marumanghon risalah
teologi. Ido umbahen didok ahli Padan Naimbaru surat Rom on gabe “Testament of
Paul” manang “Magnum Opus” (karya terbesar) na marisihon sintuhu manang unok ni
haporseoan Apostel i. Mardomu tu isi ni surat Rom on disagi tu dua bagian ima:
Parjolo, hatorangon na bersifat dogmatis, na patorangkon ruhut-ruhut haporseaon
ni halak Kristen (bindu 1 -11). Napaduahon, poda bersifat praktis (bindu 12 –
16).
Dibuhai si-Paulus do turpuk on marhite
argumentasi taringot pangantusion di halak Jahudi na sai mangondolhon
parngoluon na dibagasan patik. Dirajumi nasida do, ia patik na dijalo si Musa
ima unok (pamusatan) saluhut ngolu tu Debata, hape ndang adong nanggo sada
nasida boi mangulaon patik i. Gabe madabu nasida tu sikap “kesombongan rohani”
na mangokuhon diri songon bangso na khusus (istimewa) sian angka bangso na
asing. Jala sai dipaboa-paboa ma holan nasida bangso na berhak manjalo haluaon
sian Debata. Hape ditulak nasida do Jesus songon singkat ni patik na mamboan
haluaon i. Ido alana haluaon ndang be milik halak Jahudi manang milik sada-sada
bangso nang ugamo, alai milik tu sude jolma na manghaporseai Jesus Kristus.
Hatorangan ni
turpuk
Ay.4-6
: Kristus pamusatan patik
Patik ima hasintongan na pinasahat
ni Debata tu Bangso Israel songon rambu-rambu di pardalanan ngolu asa hombar tu
lomo ni roha ni Debata. Alai Patik ndang boi songon dalan na mamboan jolma i tu
haluaon na dihalomohon ni Debata. Tangkas do didok Paulus ndang boi malua ala
ni burjunta mangulahon patik. Hape marasing situtu do konsep pemikiran halak
Jahudi, na boi do nasida dapotan hapintoron (pembenaran) jala malua sian uhum
salelenglelengna sian gogona sandiri na mangulahon patik i. Ditulak nasida do
Jesus songon ujung ni patik (ay.4). Hata ujung ima patuduhon akhir manang pemberhentian.
Lapatanna, haroro ni Kristus patandahon na Ibana do akhirna siala nunga
diproklamasion hasintongan naimbaru marhite Ibana. Lapatanna, haroro ni Jesus
ndada mangarumpakhon patik i alai pasingkophon patik ido. Jesus do na gabe
patik naimbaru i (patudos Matius 5:17; Rom.7:23.
Diboto si-Paulus do, ia patik na dijalo
si Musa patuduhon Asi ni roha ni Debata tu bangso i. Ido alana dijalo ibana do
hata mandok : “jolma na mangulahon hatigoran na marhite sian patik ido na
mangolu disi” (sian 3 Musa 18:5). Alai holan intap disi do i, boi dohonon
haluaon manang ngolu dibagasan pardagingon sambing do, ndang dope sahat tu
haluaon dibagasan ngolu dibagasan Tondi ima ngolu na saleleng ni lelengna. Holan
marhite Jesus do, naung manaek tu banua ginjang dohot na tuat tu banua toru ima
Hata Haporseaon Ponggol Paduahon na boi paluahon jolma sian hamatean na
manongtong i. Jesus do dalan manang parhitean asa bongot tu ngolu na manongtong i.
Ay.7
– 11: Haporseaon tu Kristus mangalehon hatigoran
Manghaporseai Jesus ima ojahan na
sintong di angka na marpanghirimon tu haluaon. Ibana do sumber jala ujungna
(alpha dohot omega). Ai ndang adong dalan na asing siluluon molo naeng bongot
tu haluaon i. On ma songon Apologet teologi hakristenon mangalo poda na sai
mandok boi malua jolma holan marhite pambahenan na denggan, manang marsigantung
tu pamikirion ni jolma. Songon bidat Nomianisme mandok haluaon sian asi ni roha
ni Debata do alai ditambah na mangulaon patik. Bidat Asketisisme mandok haluaon
ima na mangorom hisap-hisap ni daging (mengekang hawa nafsu) manang paluahon
diri sian dunia materi sarupa tu pamikirion filsuf Plato. Bidat Mormonisme
mandok ndang cukup holan marhite asi ni roha sian Debata alai ingkon tunduk do
peraturan dohot sakramen gereja Mormon (Church of The Latter Day saints).
Songoni do angka ugama na adong di portibion na sai mangondolhon parulaon ima
agama Hindu, Budha, Islam dohot na asing dope.
Tangkas do didok Apostel Paulus
nunga mate hita alani dosa i. Ndang adong manang ise malua sian hamatean i, ai
ndang adong manang ise pe na sintong umbahen gabe ro Kristus asa gabe sikat
(pengganti=subsitusi) di pangalaho jolma i. Ido umbahen didok Paulus “ditobus
Kristus ido hita sian bura ni patik i, dina hona bura Ibana humongkop hita, ai
na tarsurat do, hona bura do ganup na targantung di hau” (Gal.3:13). Anselmus
ima Uskup di Canterbury Inggris mandok hamamate Kristus di hau pinorsilang gabe
sikat/pengganti tu jolma pardosa i. Ai ndang tarbahen jolma be malua sian
uhuman alani pangalaho ni si-Adam (jolma na parjolo i). Agustinus (bapa Gereja)
mandok : manusia tidak bersandar pada diri sendiri melainkan pada imannya. Ido
umbahen holan sada do dalan laho manggantihon uhum i ima Debata sandiri. Ibana
do na ro sian Banua Ginjang jala tuat tu Banua Toru dungi mulak muse tu Banua
Ginjang.
Haporseaon tu Jesus do dalan laho
mamintori ngolunta. Haporseaon ndada holan parbinotoan taringot tu Jesus naung
mate dohot mulak mangolu muse. Ndada cukup holan na mandok Ahu porsea. Manang
songon dia pe hebat ni sada-sada jolma patoranghon taringot tu Jesus molo ndang
porsea sian bagasan roha dohot ngoluna dos do i tu angka jolma na pistar alai
holan diparbinotoan alai kosong diparngoluon. Na porsea (beriman) ima naung
tutu situtu manjalo Jesus gabe Sipalua di ibana secara pribadi. Gratis do
dilehon i, ai holan sian Asi ni Roha ni Debata sambing do i. Ndang adong
inisiatip manang prakarsa ni jolma dsi. Ndang hita mangalap Tuhan i sian Banua
Ginjang manang Paheheon sian na mate. Ibana sandiri do na ber-prakarsa ndada
dionjar tahi-tahi manang lomo ni roha ni jolma.
Ay.11-12
: Haluaon tu sude jolma molo marhaporseaon tu Jesus
Marhite haluaon na pinatupa Debata
ndang adong sada pe jolma manang ugamo na boi mengklaim hak haluaon i holan di
nasida. Holan i haluaon na dipasahat Debata na bersifat universal i ingkon do
direspon marhite haporseaon tu Tuhan Jesus (pat.songon na didok Johanes “Ai
songon on do holong...., asa unang mago ganup na PORSEA DI IBANA....”). Nang pe
halak kristen molo so porsea di Jesus tontu ndang dapotna haluaon i. Ido alana
ndang marimbar be halak Jahudi manang na so halak Jahudi, halak kristen dohot
na so kristen. Songon didok Singgih :”haluaon pe boi do terjadi di jolma na
asing na so kristen molo porsea ibana di Kristus Jesus”. Kuncina ima haporseaon
di Kristus Jesus. Molo boti, ndang pola be ringkot na mangulahon na denggan
manang mangulahon patik i? Alusna : ingkon do di ulaon. Alai mangulaon na
denggan manang patik ima siala PARBUE ni haporseaon. Tanda naung porsea di
Jesus, ingkon do dihatindanghon, dipatuduhon marhite pamangan dohot parulaon. Asa
boi taboan torus “tiket” naung tajalo sian Debata, so tung mago i
(pat.Pangk.2:10).
Sipahusorhusorhon
1.
Haporseaon
tu Debata ido unok ni parugamaonta dohot parsombaonta tu Debata. Unang ma holan
di hata haporseaon i, alai ihut ma nian tarida di ulaon, pambahenan dohot
pangulaon siganup ari. Haporseaon ido na tumangkas mananda Debata ndada
parbinotoan. Marhite haporseaon tu Jesus do gabe dipintori hita (dibenarkan).
Molo didok dipintori/dibenarkan (pasif) ndada alani na taulahon manang tabahen
i, alai holan na tajalo sian asi ni roha ni Debata do. Molo pe gratis asi ni roha i ndada mandok gabe
anugerah murahan gabe so diargahon. Ingkon do hita mangolu di asi ni roha ni
Jesus asa dipintori hita jala mangolu dibagasan haporseaon na tu Ibana.
2.
Antong,
sian tingkion asa manat hita. Naeng ma nian sian rohanta tadok hata haporseaon
i, ndada holan hafalan sambing i, ndada holan rutinitas sambing. Asa jumpang
dipangantusion na sintong, marhuaso do haporseaon molo dihangoluhon.Amen
Sumber
Manfred T.Brauch
“Ucapan Paulus yang sulit”, Paulus Daun “Soteriologi dalam Kitab Roma”, Eka
Darmaputera “Iman:Menjawab pertanyaan, mempertanyakan jawaban”, STP Siahaan
“Jamita di Partangiangan”.
Tidak ada komentar:
Posting Komentar