Godang do hita mandok ia mangulaon Hata ni Debata tung mansai maol situtu
do i. Sude do nunga taboto manang aha na didok Bibeltai, alai beha do
mangulaonsa. On do na mambahen gabe sai tarajumi, ndang mungkin jolma i
mangulaon saluhutna na adong di Bibeltai 100%. Ujungna dimaklumi ma angka na so
boi mangulaon Hata ni Tuhan i. Hape molo songon sintong ni halak kristen hita
ima siihuthon ni Kristus, ingkon boi do taulahon na adong di Bibeltai. Sarupa
do halak na marsikola, molo naeng naik kelas manang lulus ingkon boi do denggan
nilaina. Halak kristen pe ingkon boi do denggan nilaita asa boi lulus na gabe
halak kristen sitiop tumpal hangoluan i. Ai didok do hita ndang sarombang be
dohot portibi on (Rom.12:2). Tontu ingkon marasing do pangalahonta sian
pangalaho na adong di portibi on.
Ai ndang cukup targoar hita halak kristen alai minus (nol) di angka
parulaon manang pambahenan. Songon didok Jakobus : haporseaon molo ndang adong
parulaon dos na mate do i. Tanda naung mangolu Kristus di ngolunta jala tanda
naung mangolu haporseaonta ingkon do patuduhononta marhite na mangulaon na
didok Tuhanta. Ai bibelta i pe mandok :”ndada saluhut jolma na manjou goar
Tuhan..Tuhan bongot sogot tu bagasan Harajaon ni Debata alai na mangulaon lomo
ni roha ni Damang na di Banua Ginjang ido” (Mateus7:21).
Marhite turpuk on dipaandar Apostel Paulus do songon dia nilai-nilai
praktis ngolu hakristenon i.
1.
Sada roha lapatanna ingkon dos do rap tu dolok dohot tu toruan, sada
dibagasan arsak dohot las ni roha, unang adong na merasa hummangat sian na
asing, unang adong na mamboan angka lomo ni rohana sandiri. Nang pe
marasing-asing hita on, marasing di fisik, di angka pandohan alai ndang
maksudna laho paasing-asinghon. Berbeda itu bagus asal jangan membeda-bedakan. Nian
maol do mangulaan on, ai nunga torop jolma holan patimbohon dirina, ingkon humangat
ibana sian angka jolma na asing, ndang holan ditoru, ndang olo gabe pelayan
naeng torus dilayani. Hata ni halak Batak pe songon ido :” simbora gukguk
duldul otik, sude mamora alai sumurung ahu otik.
Tangkas do
didok apostel Paulus molo pe pistar manang bisuk hita ndada gabe
sipatudu-tuduhon i di ngolu on. Alai tahamuliatehon ma i molo dilehon Debata
halobihon tu hita sian jolma na asing. Laos ima dalanna laho paserep roha hita
huhut mamake saluhutnai mamuji Debata dohot mangurupi jolma.
2.
Unang mambaloshon na jat maralohon na jat
Jotjot do
binege hata ni jolma, Ai ndang tarbahen niba manesa dosa ni halak na manghosomi
iba? Apalagi molo mambahen na jat tu iba. Ai jolma dope iba ninna. Molo di
Padan Narobi, masa do sikap balas membalas, mata ganti mata, abul ganti abul.
Alai dung di Padan Naimbaru tung mansai marasing situtu do. Ido umbahen dibahen
Jesus patik naimbaru manang uhum naimbaru ima Manghaholongi jolma suang songoni
angka musuh. Molo sai tahaholongi jolma jala tabahen na denggan tu saluhut
jolma godang ma donganta jala portibion pe lumbang dihilala; alai molo sai
tabahen godang musuhta lam sompit ma portibi on, lam susah ma ngolunta siala
nunga digohi roha biar hita, dilele bayangon ni jolma na naeng mamolgak hita.
Alani i ndang sibahen godang musuh niba. Molo pe sai adong na so marlomo ni
roha di hita nang pe ndang na hurang tabahen tu nasida, ingkon do torus tabahen
sikap na denggan tu manang ise. Molo adong na hurang di hita tumagon intropeksi
diri sian na mangalului ise na hurang dohot na salah.
Molo pe nunga
sai dibahen angka na denggan alai songon sebalikna na tajolo ima angka roa
dohot na jat, didok turpuk on pasahat hamu ma rimas i tu Debata. Allah-lah yang
akan menghukum orang yang selalu bertindak jahat.
3.
Mambaloshon na jat marhite angka na denggan
Mambahen na
denggan tu sibahen na denggan tontu normal do i manang biasa, alai mambahen na
denggan tu na mangulaon na jat ido na luarbiasa. Hea do Paus Paulus Johanes II
ditembak halak di tingki mardalani tu sada negara, alai aha ma didok tu na
menembak i? Didok ibana do “Aku mengampuni saudara? Halak kristen ingkon mampu
do mangulaon sisongoni. Molo nunga gabe halak kristen hita berarti naung tapake
do atribut naimbaru ima marga ni Kristus. Siala ni i pangalahonta pe ingkon do
doshon tu pangalaho ni Kristus. Tidak ada ruginya selalu melakukan yang baik,
justru selalu banyak ruginya bila melakukan yang jahat.
Hea do
marbadai na martetangga, molo masuk manuk ni tetangga na on tu jabuna pintor
dipamate laos dibolongkon bangkena tu jabu ni tetangga na i. Alai ndang muruk
tetangganai, dibuat do manuk i laos dilompa na tabo. Dungi dipataru tu tetangga
na mamunu manuknai. Manang piga hali sai dibahen do songon i alai ndang olo
tetangganai mambalos. Ai ma na terjadi, lam susah pikiran tetangga na sai mian
roha hosom i, jala manuk tetangga na i ndada lam habis gariada lam godang do.Amen
Tidak ada komentar:
Posting Komentar