Roha
na lungun pajumpang dohot Jesus
Hea do ra sude hita marhalet (berpacaran) ate! Tung ima
sonang di rohanta molo pajumpang dohot angka halette be, gariada molo ndang
pajumpang dibagasan saminggu i nunga sai lungun (rindu) rohanta tu ibana.
Andingan ma boi pajumpang. Molo na jolo ndang sarupa dohot nuaeg laho pasombu
sihol. Anggo nuaeng on nunga boi pajumpang setiap detik, setiap saat marhite HP
(handphone) manang SMS, alai laos boi doi lam leleng moru sihol ni roha. Alai
molo najolo siala ndang adong dope HP
(handphone) holan marhite surat, jala molo dipasahat surat i, olo nama sahat
tolu ari manang saminggu, sipata marbulan, gabe laos disi do lam tamba sihol ni
roha i.
Hata masihol atau rindu, sasintongna na denggan do i,
tarlumobi masihol (marlungun ni roha) tu angka na denggan, isarani angka na
marhallet na di ginjang nangkin. Alai adong do sihol na mansai denggan ima
sihol ni roha dina laho pajumpang dohot Tuhan. Beha do hamu angka ina nami,
adong dope rohanta laho masihol (lungun hian) laho pajumpang dohot Tuhan i? Di
jabunta, di garejanta, di angka ngolunta siganup ari. Manang nunga holan na
rutinitas na bahenonta, lapatanna holan hasomalan sambing angka na tabahen i.
Marpungu alai laos marpungu holan songoni sambing. Ndada alani naeng marsitutu
pajumpang dohot Tuhan laos marsaor dohot hataNa.
Songoni do na masa dibagasan turpuk on, ima pangalaho
si-Zakheus sahalak sijalo beo (pemungut cukai), di tingki holan dibege ibana
naeng ro Jesus tu hutana, nunga marsitutu hian rohana laho pajumpang dohot
Jesus. Hape dina mardalani Jesus nunga tung torop jolma manghaliangi Jesus.
Alani ndang boi si_Zakheus laho mamereng Jesus, ai kebetulan jolma na pendek
ibana. Ndang dipatorang sadia pendek ibana? Molo ukuran halak Jahudi nunga
pendek ma i. Alai na mansai menarik dison ima na so adong mandele rohana (tidak
putus asa) gariada lam semangat do ibana asa boi mamereng Jesus. Alani
dijangkit ibana ma au ara di inganan pamolusan ni Jesus. Dungi pe diida ibana
Jesus laho mandapothon ibana.
Diparsitutuonna
laho pajumpang dohot taruli las ni roha do ibana dohot pasupasu? Boasa? Gabe naeng
pajumpang ma Jesus dohot si Zakheus nang pangisi ni bagasna. Aut sugari ndang
marsitutu ibana laho pajumpang dohot Jesus, porsea do ahu ndang adong sangkap
Jesus laho pajumpang dohot si-Zakheus. Hape jolma pardosa do ibana? Ai adong do
aturan na jolo di tingki i, ndada boi sarombang jolma na badia (Jesus) dohot
angka halak pardosa. Hape olo do Jesus martamue tu jabu si Zakheus. Lapatanna,
Jesus marnida parsitutuon ni Zakheus laho mananda Jesus, jala terjadi perubahan
di ngoluna.
Ido sasintongna lapatan molo rindu (lungun) rohanta laho
pajumpang dohot Jesus ingkon terjadi do perubahan di ngolunta (transformasi
Hidup). Hidup kita tidak boleh lagi sama, sebelum dan sesudah bertemu dengan
Yesus?
Ido na terjadi
di ngolu ni si-Zakheus, tabereng ma barani do ibana mandok : dipaulak do artana satonga tu angka
na pogos, jala molo adong arta ni halak na dibuat sian dalan na so ture
dipaulak muse opat (4) hali lipat. Nda luar biasa i. Hape hita on mungkin nunga leleng na gabe
kristen, nunga leleng na mar-Tuhan sipata ndang tardok, dia ma naung terjadi
perubahan di ngolunta on???
Jala naung borat muse di partingkian si nuaeng on, nunga lam
moru sihol ni rohanta, manang las ni rohanta laho pajumpang dohot Tuhan i. Ido
ra mambahen ndang terjadi perubahan di ngolunta. Gariada adong manghilalaon
songon BOBAN do na mar-Tuhan on, boban na dohot angka punguan di huria, boban
molo adong pangidoan ni huria isarani molo masa pesta manang pembangunan. Alani
na marminggu ipe nuaeng holan songon “mangisi buku absen huria nama”.
Tontu ndang ingkon songoni hita, tarlumobi di punguan ina
Ester on. Ingkon boi do hita motor
(penggerak) bahwa kita datang ke sini adalah karena kerinduan kita bertemu
dengan Tuhan melalui punguan on, jala ndang boban on alai las ni roha do on di
ngolunta. Taingot ma molo ro hita tu Tuhan i, manang songon dia pe dosanta,
parungkilon di ngolunta, pintor ro do hata ni Tuhan i tu hita, “Beta, naeng ro
Ahu tu bagasMu”. Disi ma jumpang hadameon, hademakhon, las ni roha. Nang pe sai
ro parungkilon di ngolu anggo nunga ro Tuhan di dibagasan jabunta, rohanta
tarlumobi, ndang be tahilala sahalakta mangunti saluhutna i, alai adong do
Tuhanta na mandongani hita. Amen
Tidak ada komentar:
Posting Komentar