1 Johannes 4 : 17 - 21

Jamita Partangiangan 1 Johannes 4 : 17 – 21 Hamu angka dongan ! Holong manang kasih ima songon Tema sentral (utama) di ngolu hakristenonta. Adong do mandok : sude isi ni bibel on molo dipasada kuncina ima Holong. Ai holong do ditaringoti di Padan Na robi ima Debata na manghaholongi Bangso Israel nang pe sai jotjot nasida mambahen hansit roha ni Debata. Jala nang pe sai piga hali diuhumi Debata bangso i alani hatangkangon nasida, sai tong do mulak roha ni Debata mamereng bangso i. Di Padan Naimbaru tung lam tangkas muse hataridaan holong i marhite pambahenan ni Debata ima na ro Jesus Kristus tu portibion laho paluahon hita jolma. Holong ndada holan na didok :”Holong do rohangku tu ho”? ninna sahalak dolidoli tu anak boru? Ndang. Manang holong do rohangku tu ho anaha, ninna natoras tu ianakhonna. Siala molo holong na holan marhite pamangan ndang adong hataridaan di pambahenan ni ngolu tontu holong sisongon i, ima holong holan di hata. Taboto do di bibelta i adong do didok 4 lapatan ni holong ima : Holong Eros ima holong doli-doli tu anak boru, manang holong ni amanta tu inanta. Holong sisongoni jotjot do ala adong maksudna, adong na dibuatna. Napaduahon, ima didok holong Philia, holong hubungan kekeluargaan, songon hubungan natoras tu ianakhonna. Jala holong sisongon on pe nionjar ala adon g hubunganna. Napatoluhon, ima didok holong Storge, holong alani parmudaron, holong hubungan keluarga na jumonok, jala on pe nionjar ala adong hubungan di nasida. Napaopathon, on ma didok Holong Agape, holong naumbagas, na dipatuduhon Debata marhite Jesus Kristus tu jolma. Di hata batak didok do holong na parjolo sahat tu patoluhon nangkin ima holong Eros, Philia, Storge ima holong ASA dohot Holong ALA? Boasa songoni? Siala holong natoluhon jotjot do i nionjar ALA adong hubungan keluarga, ala adong hubungan parmudaron, ala adong ketertarikan. Coba jolo molo nunga ndang adong be parmudaron manang ketertarikan mampu dope patuduhon holong. Contoh na metmet, mampu do hita mangholongi sude jolma nang pe so tinanda i manang ise nasida???. Jala holong na tolu nangkin jotjot do didok holong ASA, lapatanna huholongi sasahalak nang keluarga niba ASA nihirim adong sibuaton sian nasida, isarani pangurupionna, manang roha na. On ma didok holong na marpangait. Holong Agape didok do holong NANG PE, lapatanna Nang Pei se i, Nang Pe songon dia ibana, Nang Pe beha statusna anggo na holong do roha ingkon tongtong do holong roha niba disi. Tauji ma jolo pambahenan ni Debata di ngolunta on, anggo mamereng hadirionta, jala ise tutu pola do ingkon mate Kristus alani hita, hape diulaon Ibana do i asal ma mangolu hita. Hamu Angka dongan!!! Marhite turpukta on didok do tangkas : ingkon do hita marsihaholongon siala nunga Debata parjolo mangholongi hita. Taboto do di ari parpudi annon ima di masa paruhuman i ndang adong pola sungkun-sungkun tu hita : Ise hita, aha do pangkatta manang huria didia hita, alai tangkas do didok “Aha do naung taula di ngolu on? Molo disungkun aha do naung taula? Ima songon implementasi Holong manang hataridaan holong di ngolunta. Molo tabadingkon di Matius 25 taringot tu paruhuman di ari parpudi i, tangkas do sungkun-sungkun ni Jesus disi : ditingki tarhurung ahu didia do ho laho mandulo ahu, di tingki mauas ahu didia do ho laho mangalehon minum tu Ahu, di tingki male Ahu, didia do ho mangalehon sipanganon tu ho? Nasa na dibahen hamu tu angka na metmet on na tu ahu do i? ninna Tuhan i. Hataridaan holong na tabahen di ngolu on ima tu jolma do. Ai pargabus do jolma molo didok holong rohana tu Debata hape donganna jolma dihosomi manang ndang di haholongi. Songon dia ma hita manghaholongi Debata na so tabereng, hape halak na di jolonta ndang boi tahaholongi. Ido alana didok Jesus songon di ginjang nangkin : Molo dibahen hamu tu angka na metmet on na tu Ahu do i. Halak na metmet ndada holan metmet di harta i, alai dohot do metmet di parohaon, metmet di haporseaon, lapatanna ingkon sitogu-toguonta do i asa mananda holong ni Debata. Molo tajaha surat apostel Paulus di 1 Korint 13:13, asa tolu na hot ima Haporseaon, Panghirimon dohot Holong, jala naumbalga sian na tolu i ima Holong. Sian i boi do berengonta : ringkot do nian Haporseaon dohot Panghirimon alai anggo so adong do Holong ni Roha, doshon na mate do Haporseaon. Jakobus pe mandok do : Iman tanpa perbuatan adalah Mati. Jala Paulus humtangkas muse mandok di 1 Korint 13 i ima : 13:1. Sekalipun aku dapat berkata-kata dengan semua bahasa manusia dan bahasa malaikat, tetapi jika aku tidak mempunyai kasih, aku sama dengan gong yang berkumandang dan canang yang gemerincing. 13:2 Sekalipun aku mempunyai karunia untuk bernubuat dan aku mengetahui segala rahasia dan memiliki seluruh pengetahuan; dan sekalipun aku memiliki iman yang sempurna untuk memindahkan gunung, tetapi jika aku tidak mempunyai kasih, aku sama sekali tidak berguna. Holong ima patuduhon harimpason (kesempurnaan) haporseaon. Lapatanna iman na mangolu ndada holan manaringoti taringot tu banua ginjang hape hita mangolu dope di portibi on. Molo naeng sahat tu ginjang ingkon beres jolo di toru on ima hasiangan on. Sipata boi do tarjalo pandohan ni donganta sian Silom i na sai mandok : Perbanyaklah Amal supaya melempangkan jalanmu ke sorga!!!. Molo bahasa hakristenonon na ima : Tanda jolma na beriman dibuktikan dengan kasih. Ndang pola molo godang tabahen amal gabe mempermulus dalan tu surgo. Ndang pola sisongon i teologi hakristenonta. SOLA FIDE ninna Marthin Luther, alai molo didok holan haporseaon, tanda na porsea ingkon patar do i di ngolu siganup ari marhite angka pambahenanta, parulaonta. Godang do gunana molo sai mangolu hita dibagasan holong. Jala sebalikna do godang do harugion molo ndang hea tapatupa holong di ngolunta on. Holong ima mambahen godang dongan, godang parsaoran, mago biar, jala sada tingki ingkon porsea do hita molo tapatupa holong ima dalan ni jolma marningot naung taula, molo adong na masa di ngolunta nunga pasti adong sai mangurupi hita. Molo ndang sian nataurupi, alai dibuka Debata do roha ni manang ise laho mangurupi hita. Ido alana adong do Firman mandok : Apa yang kita tanam, itulah yang akan kita petik. Tidak mungkin kita mengharapkan yang baik dari orang lain, kalau kita selalu tanam kejahatan. Songoni sebalikna angka na so hea patupahon holong di ngoluna , on ma lam ngali parsaoran, so adong dongan, jala sai busisaon/mabiar ngolu na. Alani aha? Siala molo adong ma na masa di ngoluna pasti do otik manang so adong jolma na bersimpati tu ngolu na. Apalagi di ngolunta on ndang boi mago holong na marpambuat i. Molo dibahen ho songonon, hubahen songon on. Istilah HMH (holong mangalap holong). Sada sisi adong do tingkos na i. Asa unang holan na manjalo iba, unang holan naeng dilayani iba, unang holan asa diperhatikan iba. Andigan ma iba melayani, andigan ma iba mangalehon. Songon na masa di pesta halak kita, adong isarana pamasumasuon ndada holan na mangan iba disi, hape dung mangan so adong muse tumpak niba. Nian ndada “balas – membalas holong i” songon didok dibagasan turpuk jamita on, tapatupa pe holong i siala nunga parjolo Debata mangholongi hita. Artina manang aha pe na masa : sai taingot ma naung dibahen Debata na denggan di ngolunta on. Nang per ingot do songon na di ginjang nangkin ima HMH i. Alai tanda halak Kristen na mangolu hita : Unang ma jolma patronta manang cerminta laho patupahon holong i alai Debata ma. Asa manang aha pe taulahon, ndang manarita hita disi, ndang tubu roha pangiburuon, ndang tubu hansit ni roha. Molo pen dang tajalo balosna manang aha pe sian naung taurupi i, ingkon porsea hita : Tangan-tangan Tuhan sangat panjang untuk menolong kita, atau memerintahkan orang lain untuk membantu kita. Itu sebabnya pekerjaan Tuhan tidak pernah kita bisa duga di dunia ini. Tuhan melakukan sesuatu tidak pernah bergantung seperti apa manusia itu kepadaNya. Inilah yang harus kita amini untuk mengikut dia. Seperti Paulus mengatakan :I Korintus 15:58. Karena itu, saudara-saudaraku yang kekasih, berdirilah teguh, jangan goyah, dan giatlah selalu dalam pekerjaan Tuhan! Sebab kamu tahu, bahwa dalam persekutuan dengan Tuhan jerih payahmu tidak sia-sia Amin