Jumat, 18 November 2011

Ev. Matius 12 : 33 - 37

Ev. Matius 12 : 33 – 37 Ep.
Tema
IBANA do DEBATA

“Molo hau na denggan sinuan na denggan ma antong parbuena; molo hau na roa sinuan, gabe roa do parbuena, ai matua sian parbuena do tandaon hau. (33) E hamu anak ni ulok, tung tarbahen hamu angka na jahat ima manghatahon hata na denggan? Ai ia i na manggohi roha, matua ido hatahonon ni pamangan (34) dirungkari halak na denggan roha do angka hadengganon sian arta na denggan na pineopna i ; jala anggo halak na jahat roha, angka hajahaton do rungkaranna sian na jat na pineopna hian (35) Alai hudok ma tu hamuna : Ingkon maralus do jolma sogot di ari uhum i taringot tu nasa hata na so gabeak na hinatahonna i (36) Ai marguru tu angka hatami do ho pintoranna manang uhumonna sogot (37)”
Dipatuduhon Jesus do hadirionNa di turpuk on songon Debata na marhuaso di sude gulmit ni ngolu ni portibi on nang angka setan pe. Di jolo ni turpuk on dipamalum Jesus do sada halak partondi na hodar, mapitung jala na ngungu. (22). Gabe tarhalomong ma halak na torop i mambereng angka na masa i. Jala sungkun-sungkun di roha nasida na mananda Jesus : Nda tung on Anak ni si Daud ulaning. (23). Alai anggo halak Parise ndada porsea na niulaon Jesus di uju i, sai torus do nasida mandok : si beelsebul, induk ni angka sibolis do dipangasahon Ibana, laho pabalihon angka tondi na hodar” (24).
Alai diboto Jesus do pingkiran ni roha nasida na mambahen asa gaor jolma na mangihuthon Ibana. Dibahen nasida do isu-isu na paroahon Jesus umbahen didok huaso setan do dipake Jesus. Ndada holan manulak Jesus nasida songon Debata alai laos dohot do nasida mandok Jesus songon beelsebul. Ndada holan manulak na binahen ni Jesus i nasida, alai gabe mandok hata so hata. Ido alana didok Jesus do angka halak farise i songon anak ni ulok. Gombaran ulok (ular beludak) na berbisa tingkos do tu angka halak farise i, ai metmet situtu do ulokki alai molo nunga hona pargut pintor mate (tidak ada ampun).
Dipatorang Jesus do ia hata manang pangalaho ni jolma doshon do i songon Parbue, molo hau na roa sinuan roa do parbuena, alai molo parbue na denggan disuan denggan do nang parbuena. (33). Diondolhon Jesus do dison hinaringkot ni Hau ndada parbuena. Jotjot do molo bandel/jungkat dakdanak pintor tadok do anak na so hasea, hape lupa hita hauna i ima natoras na do mambahen jungkat jala bandel dakdanak i. Isarani rupani, ndang marsitutu natorasna mangajari, pasingothon asa denggan dakdanak i.
Disi do diida Jesus pangalaho di halak farisi na so sadalan angka na niula nasida dohot na diparsiajari. sahalak partangiang do nasida hape dao hian do rohana sian Debata, na mangulaon sabbat secara sempurna. Hape holan kepalsuan do na dipatuduhon nasida. Songon na masa nuaeng on ima zaman make up, na boi polesan boi i gabe bagak jala uli muse, alai anggo na dibagasan tung marasing situtu. Unang lupa hita sumber na litok pasti do haluar sian i na litok.
Adong do piga-piga maksud ni Jesus marhite tuduson hataNa on ima :
1. Sumber na denggan paruarhon angka na denggan
Tung tingkos do hata mandok sian parbuena do tandaon hau na. Molo ndang denggan parbuena ndada cukup holan paturehon parbuena alai ingkon dohot do sumberna. Molo naeng denggan hita ingkon do dibagasan sumber na denggan ima Kristus i. Ai ndang tarbahen portibi on padengganhon dirina ala nunga gok dosa dohot haholomon. Didok di 2 Korint.5 : 17 “Asa molo dibagasan Kristus halak na tinompa na imbaru ma i. Nunga salpu pangalaho na robi gabe na imbaru”.

2. Panghataion na denggan luar sian motivasi na murni
Didok hata batak : Lamotlamot hata ni begu, risirisi hata ni jolma. Alani unang pintor dibondut angka na tonggi dohot unang pintor dihutaon angka na paet. Na membedahon halak Kristen dohot angka na so porsea mangulaon na denggan ima sian motivasina (motifna). Halak na mangulaon na denggan sian motivasi na so denggan tontu ingkon araponna naumbalga muse sian naung dibahenna i, alai halak naung dibagasan Kristus ndang adong pola motif-motif na asing sibahenonna siala nionjar sian roha na murni, haporseaon na mangolu di bagasan Kristus.
3. Panghataion na marhuaso haluar sian roha na mabiar tu Debata
Didok angka na asing “apalah arti sebuah perkataan” alai unang salah hita hata pe marhuaso do. Ai boi do jolma maningkot holan alani sada hata na so tutu didok tu halak na asing. Alani ganup angka panghataion na so marimpola ( na gabeak) dohot na marimpola (na so gabeak) ingkon dipertanggung jawab on do di ari paruhuman i. didok Jesus “Ai marguru tu angka hatami do ho pintoranna manang uhumonna sogot” (37). Alani i angka anak ni Debata ingkon marasing do hata na luar sian pamanganna sian angka anak na so dibagasan Debata. Angka anak ni Debata paluarhon hata na marhuaso, na bermakna jala gabe pasu-pasu. Alani ingkon dibagasan na mabiar tu Debata do hita mandok hatanta.
4. Panghataion na denggan jala sintong patuduhon hasintongan
Dipatuduhon Jesus do hataNa na tegas jala koras pasingothon angka halak farise ai memang hasintongan do i. Ndada sarupa tu hata ni sibolis na jotjot laho papodomhon, pageok-geok pinggol alai mambahen gabe sega jala mago. Hata hasintongan ndada boi sarombang dohot hata ni portibion na godang angka kompromi. Manat jala jaga hita di hata ni sibolis doshon songon racun sahali do dipargut alai nenget-nenget pamatehon.

Didok hata ni Debata “Tangkasi hamu ma saluhutna, na denggan ima tiop hamu” (1 Tes.5 :21) ; unang ma ganup tondi haporseai hamu, unjuni hamu ma manang na sian Debata angka tondi; ai nunga borhat torop panurirang pargapgap tu portibi on” (1 Joh.4 : 1). Naeng ma tauji jala tabahen ruji-ruji di ngolunta on ? Nunga tahe dibagasan habadiaon angka Hatanta jala dibagasan roha na denggan. Songon didok Paulus : “Ndada ahu be na mangolu i nuaeng; Kristus do mangolu dibagasan ahu. Ia mangolu pe ahu nuaeng dibagasan daging, mangolu marhite-hite haporseaon di anak ni Debata” (Gal.2:20)

Tarlumobi di minggu ujung taon parhuriaon jala naeng masukonta sada taon naimbaru muse tontu naeng ma diparborhat hita dibagasan parbue na denggan sian hau na denggan dibagasan Tuhan. Nian ndang taboto andingan do ro paruhuman i, alai songon halak porseya hita ingkon paradehonta do dirinta tusi. Amen.

Tidak ada komentar:

Mazmur 84 : 1 - 7

Mazmur 84 : 1 - 7 84:1 Untuk pemimpin biduan. Menurut lagu: Gitit. Mazmur bani Korah.  84-2 Betapa disenangi tempat kediaman-Mu ,  ya ...