Parpunguan Natal Bodari

Parpunguan Natal Bodari

24 Desember 2013

PANGARADEON DIRI

A.    SUDE PARHOBAS MARPUNGU DI RUANG KONSISTORI

B.     PROSESI (MAMASUHI GAREJA)

1.      Siboan Bibel  (sahalak)

2.      Siboan Lilin Natal Galak (4 halak)

3.      Parjamita

4.      Pemimpin Liturgis / Paragenda

5.      Sude Parhalado

C.    MARDALAN PROSESI :

Di tingki mardalan prosesi dipalu ma gondang panomu-nomuon.

D.    PROSESI MAMBOAN SILUA SIAN WIYK-WIYK

E.     JOUJOU TU PARSAORAN : LITANI KONTEKSTUAL              (hundul)

L1             Hamu angka nahinaholongan. Tung mansai las do roha mamereng hariburonta marpungu borngin on. Dia do na mangonjar rohamuna marpungu dison? Aha dihirim rohamuna sian parpunguanta on?

H               Ia haroronami tu bagas gareja on, haroan nauli do jala parpunguan las ni roha huhut naeng mangido sian Tuhan Jahowa Debatanta panggabean dohot parhorasan; sai tubu ma ngolungolu ditumpak Amanta Debata.

L2             Molo ido sintuhu ni haroromuna mangido panggabean parhorasan sian Amanta Debata, sai sahat ma nauli sahat ma na denggan di hita saluhutna. Laos paboa hamu ma angkup ni nauli, angkup ni na denggan i di loloan na marhabadiaon!

H               Ima tutu Amang Parhalado nami! Masihol rohanami naeng pajumpang dohot Debata silehon asiasi dohot las ni roha di saluhut hajolmaon i, asa hubege baritaNa nauli taringot tu haluaon ni Tondi nami.

L1             Songon tanda las ni rohanta di parningotan ari hatutubu ni Tuhanta Jesus Kristus, tapahibul ma rohanta laho marsomba tu Ibana, alani tapungka ma marsaor tu Tuhanta, marende ma hita.

MARENDE BE.585 Somba ma Jahowa
1. Somba ma Jahowa Debatanta Amen Haleluya
Sigomgom langit tano on ro diisi na Amen Haleluya
Beta hita lao, marsinggang tu joloNa Amen Haleluya

na songkal jala na badia do Jahowa Amen Haleluya

endehon Amen haleluya endehon Amen haleluya

endehon Amen haleluya endehon Amen haleluya

2. Puji ma Jahowa Debatanta, Amen Haleluya
Parasi roha na sumurung do Ibana, Amen Haleluya
Taendehon ma goar ni Debatanta, Amen Haleluya
Alani denggan ni basaNa tu hita, Amen Haleluya.
Endehon; “Amen Haleluya, endehon Amen Haleluya
Endehon Amen Haleluya, endehon Amen Haleluya”.
( j o n g j o n g)
3. Sangap di Jahowa Debatanta, Amen Haleluya
Na bonar jala marmulia do Jahowa, Amen Haleluya
Tapatimbul ma goar ni Debatanta, Amen Haleluya
Na tigor jala na sun gogo salelengna, Amen Haleluya
Endehon; “Amen Haleluya, endehon Amen Haleluya
Endehon Amen Haleluya, endehon Amen Haleluya”.

1.      VOTUM – INTROITUS – TANGIANG

L1 :  MARHITEHITE GOAR NI DEBATA AMA

H   :  Ibana do jumadihon langit, tano, laut dohot nasa isina; Ibana do nang jumadihon daging dohot tondinta; ibana do silehon tua dohot pasupasu di hita saluhutna. Tasomba ma Ibana, Rajanta i

L2 :  DOHOT GOAR NI ANAKNA TUHAN JESUS KRISTUS

H   :  Ibana do Debata na tuat sian Banuaginjang mardaging jolma gabe Sipalua jala Sitobus hita. Parningotan di hatutubuNa do na itahalashon di tingki on

L1 :  DOHOT GOAR NI TONDI PORBADIA

H   :  Ibana do na manjou hita sian ragam parasingasingan ni adat, budaya, tradisi, suku nang parbogason tu bagasan hasadaon parsaoran ni halak Kristen, na porsea sasude

L2 :  Beta hita manungkap dohot marsomba, marsinggang ma hita tu jolo ni Jahowa Sitompa hita, ai Ibana do Debatanta jala hita bangso na pinarmahanNa. Pajojor hamu ma di tongatonga ni angka sipelebegu hamuliaonNa i, di tongatonga ni saluhut bangso angka na binahenNa i. Haleluya

S    :  (mangendehon : Ale..Ale...Ale...luya, Ale...Ale...Ale...luya...Ale...Ale...luya)

L1 :  Martangiang ma hita : Nunga tubu di hita sada posoposo, dilehon tu hita sada anak, pampe tu abaraNa do sogot harajaon, jala bahenonna goarNa : Sipartahi halongangan, ulubalang ni Debata Ama salelengnilelengna. Raja ni hadameon. Endehon hamu ma sada ende naimbaru di Jahowa, endehon ma Jahowa ale sandok tano on. Pajojor hamu ma ditonga-tonga ni saluhut bangso halongangan, angka na binahenNai. Marsomba ma hamu tu Jahowa marpahean na marhadohoan, angka hitir ma hamu maradophon Ibana, ale isi sandok tano on. Amen

~~ Hundul ~~

2.      MARENDE BE No. 62 : 1… “HALALAS NI ROHA GODANG”

Halalas ni roha godang, na hubaritahon on

Nunga tubu Sipalua di hita jolma on

Hasangapon di Debata, laos dame, dame, dame ma di jolma

Lomo ni roha ni Debata do hita jolma on

~~ Organ ~~

Ai saborngin on do binsar bintang di na holom i

Sumondangi hagolapon na di rohanta i

Hasangapon di Debata……d.u.

3.      MANJAHA PATIK

L2    Patik ni Debata di Pesta Natalta bodari on, dipillit do sian Pilippi 2 : 5 - 7 “Songon parrohaon ni Kristus Jesus ma parrohaonmuna!

H      Atik pe rupa ni Debata di Ibana, ndada songon na nidobo dirajumi rohana tudosna i tu Debata.

L1    Dirumari do dirina jala disolukkon rupa ni hatoban, gabe suman tu jolma do Ibana jala rumang jolma dapot di Ibana. Ido sahatna. Rap mangido ma hita tu Debata laho mangulahon PatikNa i.

S    :  Ale Tuhan Debata, sai pargogoi ma hami mangulahon na hombar tu PatikMi, Amen.

4.      Marende BE No. 615 : 2+3 “Tarbege surusuruan Marende”

Las roham ale parmahan, nunga tubu Kristus i
Rap marende ma hamuna, psangaphon Raja i.
Sangap ma sangap ma di Tuhan
sangap ma sangap ma di Tuhan Sangap ma……
~~ Jongjong ~~
Borhat ma hamu marnida, tu huta Betlehem i,
Somba Kristus Sipalua, naimbaru tubu i.
Sangap ma……

5.      MANOPOTI DOSA DOHOT BAGABAGA HASESAAN NI DOSA

L2 :  Di parningotan ari hatutubu ni Jesus Kristus, jongjong hita di adopan ni Debata di bagasan unduk dohot serep ni roha laho manopoti dosanta na godang i. Martangiang na hohom ma hita dibagasan rohanta be

(martangiang na hohom, manghuling musik sian BE. 681)

L1 :  Ale Tuhan Debata, Amanami na di banua ginjang. parasiroha do Ho jala Pardengganbasa. Na ro do hami nuaeng tu adopanMu manolsoli dohot mangido hasesaan ni dosanami. Ai tung jotjot do hulaosi hami PatikMu marhite hata nang pambahenannami. Alani dosanami i tung so tarbahen hami do malua sian uhumMu. Alai asi ni rohaM do na hupangasahon hami, unang jujur angka dosanami, marpamuati ma rohaM jala sesa ma saluhut dosanami i.

H   :  (mangendehon) BE. 681 : Ale Amang Asi RohaM

Ale Amang asi rohaM di au pardosa on,
Unduk do rohangkon nuaeng marsomba di joloM.
Unang jujur unang jujur angka dosangki.
Sai salpuhon sai saluphon sian rohaMi.

L2 :  Di parningotan na badia on, huingot hami do hatutubu ni AnakMu, Jesus Kristus di bara ni pinahan di Betlehem. Ditadinghon AnakMu banua ginjang i, disolukhon Ibana rupa ni hatoban, tumopot hami jolma pardosa on asa paluaonNa. Hape, ndang huungkap hami roha nang pingkirannami gabe parmianan di Ibana, baliksa tahe hagiot ni portibi on dohot hagiot ni dagingnami do na mangarajai roha nang pingkirannami. Ale Tuhan, asi ma rohaM di hami halak na dangol on, auphon ma dosanami tu laur parasinirohaonMu

H   :  (mangendehon) BE. 686 : 2    “Ale Amang Asi RohaM”

Amang sai pargogoi ma au di hasiangan on,
TondiM pasaor tu tondingkon pamalum rohangkon.
Sai usehon, sai usehon TondiMi tu au,
Asa monang maralohon parungkilon au.

L1 :  Ale Tuhan, molo huida hami balga ni holongMu marhitehite na sinuruM AnakMu, Jesus Kristus tu portibi on. Patut do nian ingkon mangolu hami di bagasan holong, ai nunga jumolo Ho manghaholongi hami. Hape, holan dirinami do na huhaholongi hami dongannami laos huhalupahon hami. Jotjot hubahen hami jut roha ni dongannami marhite pangalahonami. Ale Tuhan, asi ma rohaM di hami, suru ma TondiM na badia tu bagasan rohanami asa diparbadiai hami jala dipargogoi hami mangulahon lomo ni rohaM saleleng di loas Ho dope hami mangolu di portibi on. Tangihon ma hami ala ni asi ni rohaM di bagasan goar ni AnakMu, Tuhan Jesus Kristus, Tuhan Sipalua hami. Amen.

H   :  (mangendehon) BE. 686 : 3     “Ale Amang Asi RohaM”

Mauliate ma di Ho O Tuhan Debata,
Sai jalo ma au on muse tu surgo banuaM.
Asa sonang, asa sonang raphon Ho disi,
Pujionku ma goarMu salelenglelengna i.

L2 :  Tabege ma bagabaga ni Debata taringot tu hasesaan ni dosanta: Ai songon on do holong ni roha ni Debata di portibi on. Pola do AnakNa na sasada i dilehon, asa unang mago ganup na porsea di Ibana, asa hangoluan na salelenglelengna di ibana.

S    :  AMEN                                                                        ~~ Hundul ~~

6.      MARENDE BE No. 52 : 1+2    “HATUAON DO”

Hatuaon do, las ni roha do hatutubu ni Jesus i

(Mago do jolma, ro ma Tuhanta, las be, las be ma rohanta i) 2x

Hatuaon do, las ni roha do, hatutubu ni Jesus i

(domu do hita tu Debatanta, las be, las be ma rohanta i) 2x

7.      MANJAHA EPISTEL

L1    Hata ni Debata di Pesta Hatutubu ni Tuhanta di parningotan on ima na nienet sian Heber 1 : 5 – 12, songon on ma tarsurat disi: Ai tu surusuruan dia ma hea didok: "Anakku do Ho; sadari on do Ho hutubuhon"? Manang: "Ahu do gabe Amana, jala Ibana gabe Anakku"?

H      Alai di na naeng togihononna muse tu portibi on Ibana na parjolo tubu i, disi ma didok: "Ingkon marsinggang tu jolona sude angka surusuruan ni Debata!"

L2    Didok do nian taringot tu angka surusuruan i: "Ibana mambahen alogo surusuruanna, api na marjimburjimbur do parhaladona."

H      Alai taringot tu Anak i didok: "Ro di salelenglelengna do habangsami, ale Debata; tungkot hatigoran do tungkot harajaonmi!"

L1    Dihaholongi Ho do hatigoran jala dihagigihon Ho do hajahaton; ala ni i do dimiakkon Debatami miak halalas ni roha tu Ho, ale Debata, sumurung asa tu angka donganmi!"

H      Dung i: "Ho, ale Tuhan, paojakkon tano on di mulana i, jala jadijadian ni tanganmu do parlangitan i."

L2    Mago do angka i muse, alai tongtong do mian anggo Ho; laho buruk do i saluhutna songon ulos."

H      Songon sampesampe balunonmu i sude, gabe muba ma; alai anggo Ho, laos tong do Ho, ndang mansohot angka taonmi!"

L1    Ima sahatna. Martua do angka na tumangihon Hata ni Debata, jala naumpeopsa.

S       Amen

 tubu buhabajuna i,i surusuruan ni Tuhan i. Saut ma dialap na niolina i

 be

ndi Parbadia do na nae

8.      PADUAN SUARA AMA

9.      MARENDE BE No. 605 : 1 + 2 “Las Ma Roham”

Las ma roham Tuhanta ro,
Gumomgom sasude ungkap roham,
Jangkon rajam marende ma sude,
Marende ma sude, marende, Marende ma sude.

O Anak na badia i, ro Ho tu hami be
Bongoti daging tondi i, parbadiai sude.
Barita na ummuli, hutangi hami be
Sorang ma Ho dingolungki, Ale Immanuel.

10.  RENUNGAN SITUASIONAL – PAGALAK LILIN – MANGHATINDANGKON HAPORSEAON

L2 :  Nunga ro Tuhanta manopot bangsoNa jala mamboan haluaon. Ido na tapestahon di tingki on. Alai haholomon do jotjot manghuphupi tano on jala lam tu jorbutna do pangela ni sibolis i mangihoti torop jolma, disegai do tondi, haporseaon dohot panghirimon sogot. Digunturi na marrumatangga, disegai nang roha ni ianakhon asa tois tu hata ni Debata. Alani i tama do hita di pesta Natal borngin on pahusorhusorontai dibagasan rohanta be.

H   :  Tung godang do tutu ale Tuhan, parungkilon na hubolus hami, topot ma tutu sandok ngolunami asa sumuang las ni rohanami.

L1 :  Lam godang pe angka parungkilon na masa di tongatonga ni ngolu on, torop angka na pengangguran, torop angka na pesimis di sihirimon, torop angka na pogos di arta lumobi di partondion, torop na mangadopi pardangolan na marragam, alai ingot ma, ala ni i do umbahen na tuat Jesus sian banua ginjang sorang tu portibi on, asa disondangi sandok ngolunta. Antong, songon dia pe rumang ni parngoluan na niadopanmu nuaeng, di arsak manang las ni roha, sai ungkap ma tongtong roham asa sorang Ibana di bagasan ngolum.

H   :  Sorang ma Ho tutu ale Tuhan tu bagasan rohanami, sondangi ma ngolunami 

PAGALAK LILIN

·         Ro ma tujolo angka Utusan Kategorial (Sikola Minggu, Remaja, NHKBP, Ama, Parompuan, Lansia) laho pagalakhon lilin di jolo.

·         Dung sidung pagalakhon lilin, mulak ma tu ingananna be + Musik (jongjong)

Pj  :  Nunga galak be lilin di tongatonganta, ima hataridaan ni panondang i. Jangkon ma sondang na sian Tuhanta i, las ma roham manjalo.

S    :  (mangendehon) BE No. 54 :1-3   “Sonang ni bornginnai”

Sonang ni bornginna i, uju ro Jesus i, sonang modom do halak sude

Holan dua na dungo dope, mangingani AnakNa, Jesus Tuhanta i

Denggan ni bornginna i, uju ro Jesus i, tu parmahan di Betlehem i

Dipaboa na di surgo i, nunga ro Sipangolu, Jesus, Tuhanta i

Godang ni tua disi di na ro Jesus i, tung malua pardosa muse

Sian hamagoanna sude, ala ro Sipangolu, Jesus Tuhanta i

(lampu dipagalak)

L2 :  Antong rap dohot donganta sahaporseaon di sandok portibi on, tahatindangkon ma haporseaonta i, rap ma hita mandok :

S    :  Ahu porsea…….d.u.                                                            ~~ Hundul ~~

11.  PADUAN SUARA NHKBP

12.  BOA-BOA / SUNGGUL-SUNGGUL

13.  MARENDE BE. 435: 1...”Marolopolop tondingki” (PELEAN II TUJOLO)

Marolopolop tondingki ai naung di tobus Jesus i.
Hamu sude, bege ma i, sai las ro hangku mandok i

Sonang ni tingki i, Dung jumpang Jesus Tuhanki !

Tondi na mangajari au, tarbaen marlas Ni roha au !

Sonang ni tingki i, dung jumpang Jesus Tuhanki.

~~ Organ ~~

Dihaol holongna rohangki, tung na so boi be mago i.
MataNa do manatap au, pinggolNa tumangihon au.

Sonang ni tingki i, Dung jumpang Jesus Tuhanki !

Tondi na mangajari au, tarbaen marlas Ni roha au !

Sonang ni tingki i, dung jumpang Jesus Tuhanki.

~~ Organ ~~

Tu Jesus sahat ngolungki saleleng ni lelengna i.
Rap dohot au endehon ma endengku na imbaru da.

Sonang ni tingki i, Dung jumpang Jesus Tuhanki !

Tondi na mangajari au, tarbaen marlas Ni roha au !

Sonang ni tingki i, dung jumpang Jesus Tuhanki.

~~ Organ ~~

O rohangki, sai tahan ma, ditobus ho, ihuthon ma
I ma tutu, nang mate ho, tu surgo do ditogu ho.

Sonang ni tingki i, Dung jumpang Jesus Tuhanki !

Tondi na mangajari au, tarbaen marlas Ni roha au !

Sonang ni tingki i, dung jumpang Jesus Tuhanki.

14.  JAMITA :  Johannes 1 : 1 - 14

15.  PAPUNGU PELEAN TU PALUNGAN

Pdt            Nunga marsinondang Bintang Sipartogi tu bagasan rohanta. Nunga tajalo haimbaruon ngolu sian Ibana. Dipaunsat do hita sian haholomon gabe mian dibagasan hatiuron i. Alani taboan ma siluanta songon na ro sian purba i. Diboan be do angka na dumenggan, alani taboan ma angka na naumuli jala nadumenggan tubagasan palungan i. Laos marende ma hita : BE. 848 : 1 ...”Dison Adong Huboan Tuhan” (PELEAN II TUJOLO)

Dison adong huboan Tuhan, parbue ni ngolungku na so tardok nian

Sadia ma arga na Tuhan, molo sai ni rajuman sude denggan basaM

Jalo ma Tuhan, sai las ma rohaM

~~ Organ ~~

Tanganhu na metmet da Tuhan, na so hea mansari dope au on Tuhan

Rohangku ma hulehon Tuhan, na boi pelehononhu gabe las ni rohaM

Jalo ma Tuhan, sai las ma rohaM

~~ Organ ~~

Huingot do hataM da Tuhan, ingkon sarihononhon anggiM na metmet an

Ampehon ma tanganMu sangkan, itak na otik i unang suda nian

Jalo ma Tuhan, sai las ma rohaM

16.  PARSURUON DI NGOLU SIGANUP ARI      (Jongjong)

Pdt   Nunga taida holong dohot asi ni roha ni TUHAN Debata tu hita jola manisia sipardosa i. Nunga dipalua hita, gabe jolma halomoan hita diadopan ni Debata. Alai unang ma holan na ngongong sambing hita. Tajangkon ma Asi ni roha ni TUHAN Debata i, di sude gulmit ni ngolunta. Tatiru ma pambahenan ni angka parmahan i na ro manomba

         Jesus poso-poso i, songon on : ”Mulak do angka parmahan i dipasangap jala dipapujipuji do Debata siala sude na niida jala na binege ni nasida songon naung hinatahon tu nasida, taringot tu posoposo i. Rap ma hita mamuji jala pasangaphon TUHAN Debatanta.

H      Pinuji ma Debata, Ama ni Tuhanta Jesus Kristus, Ama na gok asi ni roha jala mual ni angka apul-apul.

Pdt   Pinuji ma Tuhanta, Debata ni Israel, ala naung tinopotna jala na patongonhon haluaon i di nasida.

H      Pinuji ma Debata jala Ama ni Tuhanta Jesus Kristus na di bagasan Kristus naung patauhon manjalo angka pasupasu partondion sian banua ginjang i.

Pdt   Asa Tarpuji asi ni rohaNa na marmulia i,naung buas niusehonNa  i tu di bagasan Ibana haholongaNa i.

H      Pinuji ma Debata Ama ni Tuhanta Jesus Kristus, ala ni asi ni rohaNa na balga i, naung manubuhon hita muse, tu bagasan ngolu na gok panghirimon.

S       Di adopan ni hamuliaonNa, Debata na sasada i, naung paluahon hita marhitehite Jesus Kristus, Tuhanta i, di Ibana ma hasangapon, hamuliaon, hatongtongon, hagogoon dohot huaso sian mula ni mulana, nuaeng jala sahat ro di saleleng ni lelengna. Amin.

                  (Mangendehon BE.No.766:1 “Padan Na Uli”

                  Padan na uli “Ho ndang hulupahon”,
Ndang pola mabiar au di ngolungki,
Nang pe holom do dalan siboluson,
Ro do hatiuron sian langit i.
“Ho tung so huhalupahon
Au do manogihon Au do mangondihon
Ho tung so huhalupahon,
Au do margogoihon pos ma rohami”.

17.  TANGIANG ALE AMANAMI, PASUPASU

Pdt   Rap ma hita mangido dibagasan tangiang Ale Amanami!

H      Ale Amanami na di banua ginjang! Sai pinarbadia ma GoarMu! Sai ro ma harajaonMu! Sai saut ma lomo ni rohaM di banua tonga on songon na di banua ginjang! lehon ma tu hami sadarion hangoluan siapari! Sesa ma dosanami songon panesanami di dosa ni dongan na mardosa tu hami! Unang hami togihon tu pangunjunan! Palua ma hami sian pangago! Ai Ho do nampuna harajaon dohot hagogoon ro di hasangapon saleleng ni lelengna. Amen.

Pdt   (Pasupasu) Asi ni roha ma di hamu na sian Jesus Kristus, dohot holong ni roha na sian Debata, parsaoran ni Tondi Parbadia ma, na mamasumasu hamu saluhutna. Amen.

H      (mangendehon)  Amen…Amen…Amen…