Jumat, 24 Februari 2012

1 Musa 9 : 8 - 17


                                                                                   
Tema
Pardenggan basa do Jahowa jala parholong ni roha
Dijolo ni turpuk on dipatorang  do taringot tu haroro ni aek na sumar namangalengsehon angka namarhosa termasuk dohot jolma na so bongot tu parau ni si Noak. Ima dalan ni Debata manguhum nasa na marhosa, lumobi jolma ala pangalaosion nasida tu Debata.. Alani i didok ma di 1 Musa 6:6-7: Jadi disolsoli Jahowa ma rohana, ala tinompanai jolma di tano on, jala lungun rohana. Ripashononku ma sian tanoon jolma na Hutompa i, ro di pinahan dohot namanjirir, ro di pidong angka namartongatonga langit, ai nunga husolsoli  bagingku ala na hutompai nasida. Nang pe disolsoli Jahowa rohaNa, ndang naeng gabe soadahononNa portibion rodi isina. Ingkon lam ganda do nasa na marhosa lumobi jolma laho mangingani tano on ima marhite si Noak na olo mangihon hataNa.
Turpuk on ima bagian ni padan ni Debata tu si Noak dohot tu nasa na marhosa di tano on paboa sintong do hataNa naung nihatahonNa andorang so ro dope uhuman i. Dung marsik aek na sumar i sian tano i, jala dung ruar si Noak dohot sude pangisi ni parau i, naparjolo dipatupa ibana ima pasahathon pelean tu Debata marhite pelean situtungon. Lomo do roha ni Debata dipeleanna i, jala lomo do roha ni Debata tu si Noak. Alani didok Debata ma pahotongku ma padanhu tu hamu ro di pinomparmuna sogot. Pandohan on patuduhon inisiatif sian Debata sandiri. Parpadanan i ndada sian kesepakatan bersama kedua belah pihak (songon mambahen hubungan perjanjian) manang ndang si Noak na mamulai holan na manjalo parpadanan i do ibana. Namarlapatan do i, ia pandapot manang persetujuan ndang dipangido sian jolma i.
Marhite parpadan i dipatuduhon do na holan Debata do na boi paimbaruhon portibion dohot nasa pangisina, holan alat sambing do ianggo jolma i di haimbaruon ni portibion. Dijamin Debata do hangoluan ni na di tano on songon na nidokna di 1 Musa 8:22 “saleleng adong tanoon ndang jadi mansohot saburon dohot gotilon, ari ngali dohot ari las, ari logo dohot rondo ni ari arian dohot borngin”. Dungkon ni i di pasupasu Debata ma si Noak, ditonahon asa sopar jala dilehon do nang sahala maradophon nasa na marhosa di portibion, alai laos tongtong do dipatikhon angka aturan na ingkon siulahononna.
Alani i naeng tangkas songon dia do sangkap ni Debata tu jolma marhite si Noak. Naeng pita nian pangoloion ni jolma tu Debata jala ditadingkon angka pangalaosion dohot dosa sian ngoluna be. Sian na mamungka ro boaboa taringot tu aek na sumar, tangkas do dipatorang inisiatip ni Debata. Ndang si Noak nampuna inisiatip alai Debata sambing do. Debata do marsuru si Noak paulihon sada parau jala ditontuhon do ukuran ni parau i.
Dipatupa Debata do tanda ni padanNa, na tangkas boi idaon ni jolma dohot nasa namarhosa paboa naso uhumonNa be portibion marhite aek na sumar ima halibutongan na tarida di ombun. Halibutongan i, i ma tanda ni padan ni Debata dohot tano on (ay.13); tanda ni PadanNa dohot jolma nang dohot nasa namarhosa (ay.15); tu nasa namardaging di tano on (ay.16);. I do umbahen didok: “Jadi ingotonku ma padan na hubahen i tu hamu … Lapatanna, halibutongan i gabe tanda ni padanNa jala ia dung diida ro halibutongan i diingot ma padanNa tu jolma dohot tu portibion.
Ndada jolma naeng marningotsa alai Debata do. I do songon hataridaan ni hasintongan dohot  parsitutuonNa mangalehon jaminan taringot tu kelangsungan ni ngolu di portibion nang angka na marpardomuan tusi, isarani pargantian musim. Ndang adong ayat ni turpuk on namandok asa dibereng si Noak dohot angka pinomparna tanda i, dungi gabe jaminonna ma na so ro be aek na sumar. Ndang adong campur tangan ni si Noak laho patupahon tanda i, Debata sambing do namambuat haputusan di diriNa jala dipabotohon tu-jolma asa dihaporseai.
Peranan ni si Noak ima manghaporseai pambahenan ni Debata songon naung pinatuduhonna uju disuru Debata ibana paulihon sada parau hombar tu tona ni Debata jala pamasukhon tu bagasan parau angka binatang na marguru tu massamna. Ingkon tangkas si Noak dohot pinomparna porsea tu padan ni Debata.
Marhite sian i gabe taida ma, ia turpuk on mansoarahon barita las ni roha na pinatupa ni Debata. Ndang si Noak mangido tanda, ndang ibana mambahen prakarsa, Debata sambing do ala ni holongNa. Marhite padan nabinahenNa tu si Noak dipatuduhon ma Debata mangalehon jaminan masa depan na denggan.
SIPAHUSORHUSORON
v Barita taringot tu si Noak on gabe renungan na mansai arga do on di tingkinta saonari on. Ai torop do jolma na so parduli be tu patik dohot uhum ni Debata iam na sai tongtong madabu tu angka hajahaton dohot dosa. Nian godang do singot-singot di ngolu on na pinatuduhon ni Debata alai ndang hea pintor madabu pangharimasonNa. Alai unang lupa hita ndang hea marsombu-sombu Debata di hajahaton na binahen ni jolma. Cepat atau lambat Tuhan akan menunjukkan keadilanNya bagi kehidupan dunia ini.
v Didok agendanta do :”Pargogo na so hatudosan jala parrimas, siluluhon dosa ni amaama tu pinomparna, rodi sundut patoluhon, rodi sundut paopathon pinompar ni angka na sogo roha di Ahu, alai asi do rohangku di angka na marriburibu, angka na marholong ni roha di Ahu, na so mangalaosi patikHi”. Sian pandohan i botoonta ma : Tongtong do mardalan uhum sian Debata sahat tu na marsundut-sundut alai laos mardalan do holong ni RohaNa. Alani i asa jaga jala jamot ngolunta. Ndang tarbahen jolma sai torus mangolu dibagasan dosana, ai adong do tingkina sasudena.
v Unang hita sala, padan ni Debata na tu si Noak na tatean sahat tu tingki on ndang holan na marhahonaan tu haluaon tano on i, alai dohot do tu haluaon na saleleng ni lelengna na di bagasan dohot na marhitehite Tuhanta Jesus Kristus i. Ia diotapi jala dipasurut Debata pe rimasNa, dipalua jolma i sian panginona ni uhumNa, jala dipasiding portibi on sian kehancuran asa sahat do tu ari ni Kristus Jesus. Disi, pahimpuon ni Debata ma sandok hagogoonNa maralohon dosa i, jala usehononNa sandok rimasNa manguhumi pardosa i. Tu Kristus i do i diulahon, ai na gabe dosa do Ibana (pat.2 Kor.5:21) jala na gabe singkat ni saluhut pardosa dijadihon Debata. Nasa na porsea di Ibana malua do i jala mangolu saleleng ni lelengna. Amen

Jumat, 10 Februari 2012

2 Rajaraja 5 : 1 - 14


                                                                                                
Tema
HAPORSEAON MI DO NA PAMALUM HO

Mansai sederhana do nian turpuk on ima taringot sahalak panglima (jenderal) sian Kerajaan Aram na margoar si Naaman na marsahit Huliton (kusta). Sahit huliton di tingki na jolo manang Lepra didok nuaeng ima sahit na mansai borat situtu, dianggap halak na hona sahit sisongon ima na hona toru-toru (kutukan) alani dosa jala dipadao sian angka humaliang. Ima molo tradisi di halak Jahudi, alai marasing do ra molo tradisi di halak aram sandiri. Hudok songoni siala marsahit huliton do si Naeman alai boi ibana gabe panglima tentara.
Ra, songon na maol do di hutana ibana malum umbahen gabe tubu rohana mangalului parubat di tano Israel. Dipabotohon sahalak boru na diboan nasida sian tano Israel gabe hatoban ni inantana I ma na mandok : adong do sahalak panurirang na boi pamalumhon sahit ni tuanna i di Israel. Tontu mansai menarik do dison ima na mandok sahalak naposo boru dibagasan keluargana tusi Naeman taringot na adong do boi pamalum ibana. Didok mansai menarik siala ndang boi mardomu hatoban dohot tuanna songon langit dohot tano ima na so boi pajumpang.  Alai dipabaranihon naposo ido taringot Naposo ni Debata na boi pamalumhon tuannai. Sian i botoonta do tangkas, na ditanda hatoban ido taringot Naposo ni Debata si Elisa dohot na mangula do tongtong Debata marhite NaposoNAI.
Dioloi si Naeman do hata naposona i, ndada tubu ginjang rohana manang gabe pametmethu panghilalaanna alani parsuruon naposona i. Alani dibaen si Naeman ma surat tu Raja Israel Raja Joram taringot tu pangidoannai. Gabe mabiar situtu do Raja I ai so diboto na adong di ingananna boi mangubati angka sahit, gariada gabe tubu pingkiran na negative/curiga sian raja i ima na cari gara-gara do Raja Aram asa adong sidalianna laho menyerang Israel. Ido alana diribahi paheanna.
                Alai dibege Panurirang Elisa ma I, didok ma asa tu ibana disuru ro si Naeman i. dung ro tu inganan si Elisa ndang pola godang dipangido ibana asa diulaon si Naeman holan sada do ima maridi pitu hali tu sunge Jordan. Maol do tarjalo roha dohot utokutok ni si Naeman parsuruhon Elisa i. Boasa ? Parjolo, dipingkiran si Naeman boasa ma ndang ro si Elisa asa pintor mangubati ibana asa tibu malum jala ndang pola loja maridi pitu hali. Napaduahon, tangkas do diboto si Naeman dao dumenggan sunge na adong di huta na sian sunge na adong di Israel, boasa ma ndang suruhon si Elisa asa maridi tu sunge na adong di hutana i?
                Alai sahali nari ro ma muse hata sian naposona mandok tu si Naeman :”Ale Amang, tung sura hata na dokdok didokhon panurirang i patupaonmu, nda patupaonmu do i? (ay.13).  Sian pandohan naposanai berengonta do bagas ni haporseaonna tu Naposo ni Debata dohot parsuruon sian Tuhan i. Lapatanna, naeng dohonon naposonai : masak ulaon na metmet dope dipasahat tu ho nunga naeng mandele hape pangidoanmu balga ima hamalumon sian parsahiton i. Jotjot do di ngolunta songon si Naeman on, ima naeng ngolu dibagasan hasonangan dohot pasupasu alai ndang olo marsitutu mangulaon na didok ni Debata. Ido alana budaya ngolu ni jolma nuaeng on sarupa tu budaya ekonomi : “dengan modal yang kecil tapi dapat untung besar”. Hape molo naeng tangkas ngolunta manjalo angka na denggan sian Debata baik hasonangan saonari dohot haduan ndada boi dengan usaha yang minim manang cara na biasa-biasa; justeru ingkon porlu tantangan/ujian jala pergumulan na borat asa ipe jaloonta songon tapangido i.
                Ujungna dipaunduk panglima i do rohana jala dioloi songon na pinangido panurirang i marhite sosososo sian naposona. Sude angka keegoisan dohot na merasa orang hebat ditanggalhon ibana do ditoru ni pat ni naposonai jala muba do roha dohot pingkiran marnida nadidok naposonai. Dungi maridi ma si Naeman pitu hali di sunge Jordan dungkon ipe malum ibana sian parsahiton pola didok hulitna songon dakdanak, marlapatan : mansai ias situtu jala lambok. Ndada alani maradi i ibana malum sasintongna alai na pintor muba rohana mangoloi dipandok ni Naposo ni Tuhan i.
Sipahusorhusoron ni Jamita
1.         Pengalaman ngolu si Naeman ima na marsahit huliton ndada mambahen ibana loja jala gale berusaha asa malum sian parsahiton i. Ra, nunga tung mansai godang dilului ibana angka parubaton, baik parubaton na songon dia pe taho asal ma malum. Hape sada pe parubaton i ndang boi mambahen malum parsahitonna. Ujungna di pengalaman parsahiton i sahat ma ibana tu sada pengalaman iman na gabe paubahon sikap dohot rohana taringot : ise do sasintongna na marhuaso di portibion. Nang pe sahalak parbegu ibana ima sian bangso Aram alai gabe mangolu do haporseaonna tu Debata ni Israel siala DITANGIHON jala DIOLOI hata naposona i.  Gabe tubu do sada panindangion haporseaon sian pamangan si Naeman sandiri na mandok : “Saonari pe huboto, na so adong Debata di sandok tano on, dungkon ni Debata ni Israel” (ay.15), jala dipahibul muse mandokhon :”Na so jadi be ibana marsomba tu debata ganaganaan na asing, holan tu Jahowa sambing nama” (ay.17).  Molo tabereng pengalaman ngolu si Naeman on, tung marasing situtu do di hita si nuaeng on. Anggo si Naeman ima na borhat sian halak na so porseya gabe porseya tu Debata, alai di hita nuaeng on, sahalak Kristen alai gabe mangalalui dalan sian angka na asing hira songon gabe halak sipelebegu. Na mangalului ubat manang parubatan sian dalan na so tingkos, isarani laho mardatu. Disi ma berengonta ndada jumpang hamalumon alai laos dohot do nang MAGO HAPORSEAON. Kunci IMAN ima na HUNDUK, MANGOLOI jala POS SITUTU ROHA, jala dituntut do sian haporseaon i Habengeton ni Roha (Kesabaran).  Boasa ndang olo loja jolo hita nang pe susah parenta na didok Debata i asa  boi malua jala sonang ngolunta, alai boasa ma na susah dipandok angka parubaton na asing i, isarani mangalului MANUK BOTAR, BULUNG PITUR WARNA, ORBUK NA MATE manang songon dia muse dipandok be angka parubat portibion tong dilului songon dia pe taho.  Halojaan dohot parsitutuon na disuruh Debata ndang olo hita mangulaon, alai halojaon dohot parsitutuon na disuruh portibi on sai berusaha hita patulushon. Disi ma kerancuan Haporseaon i.
2.         Hari-hari ini tung godang do sahit kusta di ngolunta, alai ndada songon kusta  na marturtur daging i alai nunga kusta na marturtur haporseaon i. Sai pintor dilului jolma do dalan laho mandapot hasonangan dohot hamalumon hape tu angka dalan na so dihalomohon ni Debata. Disi ma sai muncul EGOISME dohot MERASA LEBIH MAMPU JALA HUMHEBAT. Maol do hita nuaeng on HUNDUK, MANANGIHON huhut Laho MANGOLOI dibagasan SEREP NI ROHA, apalagi laho manangihon angka na metmet (termasuk do nuaeng angka na metmet i ima angka na targoar Naposo ni Debata/angka parhalado), pola so ditangihon ruas i be. Alai molo nunga ro hata HULAHULA, Hata halak na mora, hata halak na sangap di portibi on pintor tinggil do sipareon laho mangulahonsa.
3.         Sahit dohot angka pergumulan hidup na silih berganti ingkon jaloonta do Ima songon dalan laho menguji ngolunta dohot haporseaonta. Adong na bisuk mandok : Kadar Iman seseorang hanya dapat dibuktikan ketika dia menghadapi pergumulan hidup yang seberat-beratnya. Disi ma boi berengon apakah imanya adalah imitasi (tiruan), iman bawaan (tradisi) atau iman tulen (sejati). Emas murni hanya dapat dibuktikan murni dengan cara dibakar sampai mencair.
4.         Jangan perintahkan Allah untuk mencari anda, tetapi perintahkanlah diri anda sendiri untuk selalu mencari Allah yang benar. Allah tidaklah pergi ke mana-mana tetapi Allah ada di mana-mana, tinggal persoalannya apakah anda dan saya mau menemukan DIA di dalam perjalanan hidup kita. Amin

Selasa, 07 Februari 2012

Jesaya 40 : 21 – 31


                                                                                                                       
Tema
NDANG ADONG NA SONGON DEBATA
IBANA DO SILEHON GOGO DI HITA

Disurathon do Buku Jesaya on dibagasan tolu rumang situasi ima : 1) situasi andorang so dibagasan habuangan (bindu 1 – 39), 2) situasi naung dibagasan habuangan (bindu 40 – 55), 3) hamumulak ni bangso i  sian huta habuanganna (bin.56 – 65). Jadi bindu 40 : 21 – 31 masuk do dibagasan horong na tongon dibagasan habuangan bangso i. Sungkun-sungkun na parjolo ima boasa gabe ingkon tarbuang bangso ni Tuhan i tu inganan bangso sipelebegu? Boasa ndang diurupi Debata nasida asa unang gabe ditaluhon bangso na asing? Hape ndang diboto nasida, ndada na ro boti hahansiton i tu nasida, alai nunga tung mansai ganjang hian proses na. Ai hasalaan dohot dosa na sumalin nasida do na “memaksa” Debata ingkon parohon uhum tu bangso i.
                Adong do pandohan na mandok molo dibagasan habuangan do bangso ni Tuhan i dos do i na talu Tuhan i manang ndang adong be. Ai boasa ma ingkon paloasonna bangso Na sandiri gabe hatoban di huta ni halak na so mananda Debata? adong do perdebatan disi, ai boi do dihilala hira na so tolap Debata marhagogoihon nasida. Alai aut disulingkiti mansai bagas dapot ma unok na, justeru na tongtong do adong Debata umbahen dibahen uhum tu nasida siala sai manimbil roha nasida sian Debata ima na manghaporseai debata na so adong i, debata gana-ganaan na sinomba angka bangso parbegu.  Di ayat 18 didok do “Tung ise ma naeng patudosonmuna Debata? Manang sumansuman dia naeng paradeonmuna di Ibana? Patudos muse songon didok di ay.25 “Tung tu ise ma patudosonmu Ahu paboa suman Ahu tusi? ninna Nabadia i.
                Di bagasan na tarbuang nasida dibahen Debata do sada singot-singot na mansai koras alani angka pangalaho nasida, alai laos dibahen Debata do sada apulapul manang baga-baga na tongtong do Debata manghaholongi nasida. Ditogihon panurirang ido asa tongtong nasida mamereng dompak ginjang, ndada holan mamereng di angka parsoalan na niadopan nasida. Dipatuduhon Debata do hagogoonNa na so hatudosan i “Manaili ma matamuna dompak ginjang, jala ida hamu tung ise ma na manompa angka i? tung ise ma paruar parangan nasida marbilangan? Ibana tahe manjou luhutna i digoarna be marguru tu hinagodang ni gogoNa, jala Ibana do na sun hinagogo, ndang tagamon lilies nanggo sada” (ay.26)
                Disuruh manaili dompak ginjang na patuduhon do ndang adong manang aha pe na adong diportibion boi patudosan tu Debata. Hape sai laho do jolma i tu angka debata na so   jelas, na so adong manang aha gogona. Na oto do jolma si songoni, ai porsea tu angka debata na so hea tarida di angka pangulaonna. Holan Debata na di ginjang ido, gariada tung manjou GoarNa pe ingkon hitir jala hodok pamanganta. Ai gari bumi manang inganan na taingani nuaeng on tung mansai metmet hian do i maradophon angka na di hajanghajang (langit). Jadi doshon songon orbuk do hita jolma on na holan boi berengon mamake mikroskop (kaca pembesar) sian langitan hape tung arga situtu do hita diadopanNa.
                Disulingkiti Debata do nasida na jolo ise sasintongna ima pomparan si Jakob sahalak panipu songon lapatan ni goarnai, alai gabe diganti Debata goarna Israel 1 Musa 32:27+28  “ndang si Jakob dohonon goarmu, si Israel nama“ lapatanna Anak ni Debata. Didok Debata do : tung ise ma mambahen ompung nasida na jolo i tarpasupasu jala dapotan angka inganan na tabo. Kuncina ima siala marhaposan ompung nasida holan tu Debata, molo ditadingkon nasida Debata laos disi do partalu nasida maradophon angka bangso na asing. Marhite i naeng dohonon turpuk on : asa Tanda dirim, ise do ho na jolo jala songon dia do ho na jolo, dungkon ni beha do ho nuaeng?  Godang do jolma nuaeng on : LUPA KACANG AKAN KULITNYA. Dungkon adong persoalan na boi diulaon holan na mengkritik dohot menggugat, alai di tingki sonang ngoluna anggo saotik pe so hea mandok mauliate tu Debata, unang ma jolo patupaon na hinalomohon ni Debata?

Sipahusor-husoron :
1.       Jaman on didok do jaman komplikasi, godang angka na masa, godang angka sahit jala godang angka persoalan ni ngolu. Di angka na masa i godang do mambahen jolma kecewa, putus asa jala putus iman. Dibagasan situasi ima jotjot halak manungkun manang menggugat “didia do Debata nasida I”? gabe holan marsual (berdebat) jolma di ngoluna tu na mamboan hata ni Debata, tu pandita manang tu Debata i sandiri.  Alani porlu do TATANDA DIRINTA ! Unang ma holan barani mangido na tabo alai ndang siap mangadopi ujian ni haporseaon dohot ujian ni ngolu. Si-Abraham gabe tarpasupasu ngoluna ndada na ro sambing songoni sian banua ginjang, songoni si Job, Daniel, Daud, Josef dohot na asing i dope. Justeru na barani do nasida mangadopi ujian na dipaloas Debata masa i tu ngolu nasida, baru pe dohonon LULUS nasida na mangihuthon Debata.  
2.       Dosa jotjot do mambahen rabun simalolongta ndang boi mamereng tangkas angka na naeng patuduhon ni Debata di bagasan ngolunta. Sarupa tu sisean na mardalani rap dohot Jesus tu Emaus, tung ganjang do pardalanan i hape so diboto na Jesus do dongan nasida manghatai di pardalanan i.Terkadang sai dipaloas Debata do hita sandiri pasidunghon angka pergumulan ni ngolu siala diida Debata do na mampu hita pasidunghon i. Holan ido jotjotan dope hita na so olo loja, ndang olo hita marsitutu holan naeng hatop (instan) songon jolma na kagum mamereng Par-SULAP na holan mandokhon : SIM SALABIM pintor jadi songon na didokna.
3.       Kita diciptakan Tuhan bukanlah menjadi pecundang tetapi harus menjadi pemenang. Dilehon Debata do tu hita MENTAL JUARA, ndang mental na holan talu. Tabereng ma angka na masa di pardalanan ngolu hakristenon i sandiri, tung godang do na dilete, dipamate, dibolongkon tu lubang singa, di tutung gareja alai ndang gabe mansohot hakristenon i, justeru lam rarat jala lam barani jolma na porsea tu Tuhan i manghatindangkhon pambahenan ni Debata. Persoalanna, godang do hita halak Kristen nuaeng on holan na olo gabe Mental na talu, adong ro udan nunga malas tu gareja, adong didok ro tamu nunga malas tu partangiangon, marsahit gelenghu, marsahit keluargaku ninna nunga ro tu datu, arisan di jabuku ninna nunga ndang ro tu parmingguon, sahalak parhalado ahu alai gale do ahu ninnta. Hati-hati molo nunga sai jotjot adong dibagasan pikiranta dohot haluar sian hatanta na mandok : Ndang mampu be ahu, ndang tolaphu be nang pe halak Kristen ahu, disi nunga monang sibolis di ngolum. Sahali nari TANDA DIRIM ndada be anak hatoban Ho alai nunga ANAK NI DEBATA. Anak hatoban ndang dilehon hagogoon dohot huaso, alai Anak ni Debata dipasahat do tu ho/hita huaso laho manaluhon sude na adong di ngolu on.
4.       Taingot ma : ndang olo talu Debata alani angka hagogoon dohot utiutian sibolis manang alani sangkap-sangkap ni hajolmaon. Nang pe sipata songon na buni Debata jala songon na so tarida jala laos sai holan margogo angka na roa i alai di tingkina ingkon dipatuduhon Debata do hadirionNa.  Amin

Mazmur 84 : 1 - 7

Mazmur 84 : 1 - 7 84:1 Untuk pemimpin biduan. Menurut lagu: Gitit. Mazmur bani Korah.  84-2 Betapa disenangi tempat kediaman-Mu ,  ya ...